Add Some Thai Restaurant

營業中

休息中

早排同屋企人去咗觀塘，行到肚餓，就決定搵個餐廳填肚。嗰日屋企人就想食泰國嘢，上網見到呢間叫做Add Some Thai restaurants 嘅餐廳，我之前有食過一次，但唔係同屋企人食，所以就決定帶佢去食。我哋揀咗幾款唔同嘢食！首先，係黃咖喱鹹蛋軟殼蟹（三隻）配蒜蓉包。黃咖喱嘅香辣味同埋鹹蛋嘅濃郁味道配埋脆炸嘅軟殼蟹，真係好正！仲有蒜蓉包，可以沾住醬汁，咬落去酥脆香口，一流！食泰國嘢真係食好多重口味嘅嘢㗎啦，飲返杯泰皇椰青雞湯，清甜得嚟又可以解解火。呢個湯係好特別嘅組合，鮮甜嘅椰青湯底配埋滑嫩嘅雞肉，令人舒服又開胃。真係一碗滋味鮮美嘅湯！嗌咗A.S.T 小食拼盤，令我哋有機會嚐到唔同嘅泰國小食。我哋另外仲有嗌炒得好惹味嘅馬拉盞炒通菜，又有燒得恰到好處嘅香燒疲蘿串，十分香甜。最後，飲杯涷泰式奶茶，就完美嘅一餐啦！呢杯奶茶香濃滑順，甜度啱啱好，好解渴又好開心。Add Some Thai restaurant 真係一間值得試嘅泰國餐廳。佢哋嘅黃咖喱鹹蛋軟殼蟹、泰皇椰青雞湯同埋A.S.T 小食拼盤都係絕對必要之選！下次再去觀塘，又食泰國嘢嘅時候一定會食返呢一間。