豐味窯雞

營業中

休息中

今日上親戚度食飯，過時過節老人家都好鐘意有隻雞加料，所以都預早一個禮拜預訂全隻雞🐥間鋪位於觀塘工業中心，地鐵站一出就到，都算幾方便，但搭上樓要用最古老嘅手拉閘升降機，太夜過黎會有啲恐怖🥶由於我地一早預訂，所以唔駛等好耐就有得拎，本身隻雞用錫紙包實，然後仲會用保温袋袋住保持熱度，所以隔左大半個鐘隻雞都仲係熱辣辣😆一打開除左有雞、辣粉、膠手套之外，竟然仲有對勞工手套比你手撕雞用，非常有誠意🧤徒手撕開雞髀已經睇到入面嘅雞肉非常嫩滑，仲要見到肉汁同埋雞油流出黎，視覺衝擊住味蕾令人食慾增強😛雞肉食落肉質鮮嫩，就連雞胸肉都唔鞋口，值得一讚！味道方面食到少少香草同洋蔥去提升雞嘅鮮味，唔錯👍🏻