雞駅花膠雞米線專門店

營業中

休息中

某日見到駿業里開咗雞駅，本身以為駱駝漆嗰間搬咗舖去呢一度，但係見到餐牌先發現佢居然係觀塘開咗三間分店😱可能呢一間係新開嘅分店，又或者本身呢度地方大啲，居然唔使等位。呢間分店比起駱駝漆座位比較鬆動闊落光猛，裝修非常醒目，頭頂有盞射燈射落張枱度，咁樣顧客影嘅食物相一定靚🫢呢間分店有得打邊爐，每個位都有獨立嘅電磁爐，不過我都係揀食米線。🍗🍜胡椒豬肚雞米線 $60 +$8 凍飲對於唔食花膠嘅我嚟講，胡椒豬肚雞係最好嘅選擇。好好彩我冇加錢佢都比雞髀位我，啲雞肉質嫩滑唔嚡，咬走嚿皮都食落啖啖肉，而且雞嘅份量都好多，係滿滿嘅蛋白質。豬肚大小適中，一啲都唔韌。不過唔知係咪食得慢，食到尾個湯都凍晒，不過都無阻我飲晒佢啲湯。