影片
更多
2022-04-24
178 瀏覽
之前去食NUTMAD嘅時候，發現旁邊呢間新式點心舖「龍點心」都幾多人等位，所以就已經決定咗再嚟觀塘嘅時候要試一試佢～😛佢哋裝修風格比較新潮，用咗橙紅色+湖水綠做主色，再配埋啲有香港傳統特色嘅鐵閘花紋同瓷磚，真係幾有特色同幾打卡😆 仲配合返佢哋menu上面嘅fusion點心，傳統得嚟又有啲新意～ 不過整體價錢都偏貴㗎～茶芥每位$8，但茶好似只有兩款可以揀：鐵觀音/菊普～今次同朋友2個人食，所以試到嘅款式比較少，有機會嘅話都想再試埋其他點心😋•🥢 龍燒賣 $38鍾意食燒賣又貪心嘅我，第一時間揀咗呢個，一次過試到4款口味嘅燒賣，以下由最好食嘅開始講🤣～ 懷舊燒賣(右上)：蝦肉同豬肉比例啱啱好，蝦肉彈牙👍🏼麻辣牛肉燒賣 (左下)：聞落都幾麻，但食落好香，帶微辣，幾惹味😋龍蝦汁墨魚燒賣(左上)：呢款食唔到龍蝦汁😬 食到墨魚味為主，所以似食緊燒賣皮包墨魚丸🤣番茄海鮮燒賣 (右下)：燒賣嘅上面有一小片帶子～呢款個番茄味有啲假，似番茄味薯片嘅嗰種番茄味😂 (可以一試，但好似都係食返傳統燒賣開心啲🤣)•🥢 蟹粉菠菜香蝦餃 $56呢個諗返真係幾貴，連埋加一嘅話，除返開每隻餃要$20🥲 蝦餃皮係綠色嘅，可能
佢哋裝修風格比較新潮，用咗橙紅色+湖水綠做主色，再配埋啲有香港傳統特色嘅鐵閘花紋同瓷磚，真係幾有特色同幾打卡😆 仲配合返佢哋menu上面嘅fusion點心，傳統得嚟又有啲新意～ 不過整體價錢都偏貴㗎～茶芥每位$8，但茶好似只有兩款可以揀：鐵觀音/菊普～
今次同朋友2個人食，所以試到嘅款式比較少，有機會嘅話都想再試埋其他點心😋
•
🥢 龍燒賣 $38
鍾意食燒賣又貪心嘅我，第一時間揀咗呢個，一次過試到4款口味嘅燒賣，以下由最好食嘅開始講🤣～
懷舊燒賣(右上)：蝦肉同豬肉比例啱啱好，蝦肉彈牙👍🏼
麻辣牛肉燒賣 (左下)：聞落都幾麻，但食落好香，帶微辣，幾惹味😋
龍蝦汁墨魚燒賣(左上)：呢款食唔到龍蝦汁😬 食到墨魚味為主，所以似食緊燒賣皮包墨魚丸🤣
番茄海鮮燒賣 (右下)：燒賣嘅上面有一小片帶子～呢款個番茄味有啲假，似番茄味薯片嘅嗰種番茄味😂
(可以一試，但好似都係食返傳統燒賣開心啲🤣)
龍燒賣
$38
30 瀏覽
0 讚好
0 留言
•
🥢 蟹粉菠菜香蝦餃 $56
呢個諗返真係幾貴，連埋加一嘅話，除返開每隻餃要$20🥲 蝦餃皮係綠色嘅，可能加咗啲菠菜汁整～上面仲擺咗啲三文魚籽做裝飾🤩 皮薄煙韌，入面嘅蝦肉彈牙，會食到啲啲蟹粉口感，但唔太食到蟹粉味，因為三文魚籽嘅鹹香味蓋過晒其他味，加落蝦餃都唔係太夾😖
蟹粉菠菜香蝦餃
$56
9 瀏覽
0 讚好
0 留言
•
🥢 松露野菌晶瑩餃 $36
呢款餃有驚喜😍 聞落唔太有松露香，但食落就有好濃郁嘅松露味！松露控必食！松露加野菌一定夾，加上餃皮厚薄適中，口感煙韌，唔錯👍🏼
松露野菌晶瑩餃
$36
24 瀏覽
0 讚好
0 留言
松露野菌晶瑩餃
13 瀏覽
1 讚好
0 留言
•
🥢 口水汁龍利魚腸粉 $42
口水汁惹味，夠麻又唔會太辣👍🏼 腸粉皮又薄又滑，入面嘅魚柳都好滑，兩者口感好夾🤩 腸粉嘅底下仲有啲青瓜絲，可以避免腸粉吸太多汁，但又可以撈埋剩底嘅口水汁🫢 不過朋友有唯一一個挑剔就係辣味，有啲蓋過魚味～
口水汁龍利魚腸粉
$42
8 瀏覽
0 讚好
0 留言
•
🥢 芥末蝦球 $78
第一啖食落似西檸雞個醬，因為味道比較酸，芥辣味唔算出，不過加埋蝦球都幾夾，又唔會太膩😋 蝦球爽口彈牙，而且係有炸過嘅，炸皮幾薄，就算外面包咗醬都keep到脆🤤
芥末蝦球
$78
16 瀏覽
0 讚好
0 留言
張貼
