333
34
6
| 餐廳: | 龍點心 (Eastcore) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
走年輕活力路線的點心專門店，裝潢採用卡通化的古代茶居設計，用色鮮明。而由多位資深點心師傅製作的新派點心，精緻且擺盤精美，打卡一流。
繼續閱讀
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
有關獎賞計劃
優惠
74折
點心二人餐 (堂食) -創新點心專門店 新派點心美食!
$188
$256
9折
$100 現金券 點心專門店【 龍點心】**無限兌換**
$90
$100
相關文章
飲茶真係同香港人密不可分朝早有早茶三點三有下午茶晚市都有夜茶而且漸漸不區形式唔再限於一定要上茶樓簡簡單單一盅兩件就滿足所以點心專賣店愈開愈多今日我就去龍點心嘆個夜茶佢地推出左個以中國各地美食元素作靈感嘅尋龍記燒賣拼盤一次過可以試到六款非一般口味嘅燒賣1️⃣香辣雞軟骨燒賣2️⃣滷水鵪鶉蛋燒賣3️⃣金蠔髮菜燒賣4️⃣油雞樅菌黑毛豬燒賣5️⃣十年陳皮牛肉燒賣6️⃣黃椒醬龍利魚燒賣隻隻味道都好吸引但因為要同男朋友分每人只可以試三種味我尤其鐘意黃椒醬龍利魚燒賣個黃椒醬香香辣辣好特別龍利魚又滑溜男朋友話金蠔髮菜燒賣都好食金蠔肉厚味濃有少少食團年飯嘅錯覺😂呢個燒賣拼盤係燒賣狂想曲系列嘅新品限時發售㗎想試就要快啲去食喇～肉鬆馬拉糕佢呢度個馬拉糕同樣有創意面上加左肉鬆增加口感而糕體入面仲有合桃碎為平時鬆鬆軟軟嘅馬拉糕來個變奏蟹粉菠菜香蟹餃顏色鮮艷誘人內𥚃蟹粉爆多所以蟹味特濃章魚肉餅飯呢個好好味肉餅鬆軟唔死實最正係章魚切成碎粒香味倍增之餘唔會食到章魚乾硬嘅口感👍👍拉絲菠蘿包將芝士釀入無菠蘿嘅菠蘿包中成為拉絲菠蘿包原來芝士味同菠蘿包又幾夾㗎喎～傳統得黎有啲新意豆腐布丁豆味香濃布丁嫩滑最喜歡布丁上面嘅山楂碎微微酸好開胃傳統美味飲夜茶又係另一番滋味絕對值得一試！
繼續閱讀
係觀塘放工見到，一間門面幾靚嘅新派點心店，所以就想試吓有咩新奇嘅點心😍嚟到咁啱係出咗個燒賣狂想曲系列而且係限時發售，每款燒賣都好創新，用左唔同中國美食嚟整嘅燒賣🤩同時呢度好闊落，好啱Lunch同同事或朋友係呢飲茶傾計👍🏻.味道：🌕🌕🌕🌕🌑人均消費：$100～150.尋龍記燒賣拼盤 $68有6款唔同嘅創新燒賣，每款都幾特別，好似食緊唔同中菜咁😋有金蠔髮菜燒賣、油雞樅菌黑毛豬燒賣、黃椒醬龍利魚燒賣、香辣雞軟骨燒賣、十年陳皮牛肉燒賣、滷水鵪鶉蛋燒賣。當中滷水鵪鶉蛋滷得幾入味同帶陣椒麻味係唔錯😋同埋金蠔髮菜幾帶趣，金蠔煮得好香🥰香辣雞軟骨都有驚喜，食落辣辣地幾惹味同雞軟骨幾爽脆😍鰻魚荷葉飯 $82鰻魚就正正常常，而且荷葉飯入面都好豐富，有蝦乾、雞肉、蛋黃🤤似食緊糯米雞咁但唔係用糯米煮👍🏻而且啲飯有汁都唔太淋，整體軟硬適中☺️翡翠響鈴腸粉 $48食落紫菜好香，響鈴都好脆口🤤整體食落似炸兩但會冇咁油膩同更加脆口啲🥰筍尖蝦餃皇 $40蝦餃皮偏薄，蝦肉新鮮好彈牙😍加咗啲竹筍令到食落幾彈牙，會有層次感😋龍芋酥 $42估唔到食落係好香鴨胸味，同埋芋頭都好香同好淋，如果再多啲芋頭就更加正🥰同埋外皮夠脆，整體食落唔會好油膩☺️肉鬆馬拉糕 $38蛋味算幾香但比較結實，加咗肉鬆好香口👍🏻食落咸甜咸甜原來都幾夾，可以話係比較似肉鬆蛋糕咁，不過係好食嘅☺️拉絲菠蘿包 $38估唔到入面係芝士拉絲🤩菠蘿包皮好酥脆，而個包都整得好鬆軟😍豆腐布丁 $28本身布丁都幾香豆腐味，配埋表面上啲梅乾同芒果醬，酸甜酸甜咁幾好食😋
繼續閱讀
🔸尋龍記燒賣拼盤 $68🔸一龍大滿足 $68🔸鳳爪排骨飯 $58🔸拉絲菠蘿包 $38🔸荷花酥 $38-今日同男朋友食lunch撐枱腳，嚟咗依間食創意特色點心嘅龍點心，非常推薦俾大家想聚會一邊傾計，一邊食啲輕食啊～見到必食推介有燒賣狂想曲限時嘅新品——尋龍記燒賣拼盤，當然要試試喇～嘩！每一粒燒賣都有唔同口味，而且粒粒都好好味：香辣雞軟骨、滷水鵪鶉蛋、金蠔髮菜、油雞樅菌黑毛豬、十年陳皮牛肉、黃椒醬龍利魚，真係好有創意呀～必食推介仲有：一龍大滿足，裡面有：蟹粉菠菜香蝦餃、酸菜魚鳳眼餃、松露野菌晶瑩餃、筍尖蝦餃皇、碗豆桃子、鹹蛋黃墨魚燒賣。個人至愛酸菜魚，超正！男朋友再叫咗一份鳳爪排骨飯，淋上甜豉油嘅飯好香好好味，鳳爪同排骨都醃得好夠味！最後仲叫咗兩份甜品，分別係拉絲菠蘿包同埋荷花酥。菠蘿包配上拉絲嘅芝士，鹹香好味。另外荷花酥係我至愛嘅蓮蓉餡，配鬆脆嘅千層酥，口味一流，超滿足！
繼續閱讀
介紹返💁🏻♀️。。🇭🇰 一盅兩件 在觀塘 🇭🇰。龍點心 Lung Dim Sum。Eastcore1樓4號舖。港原味燒賣拼盤粟米肉粒燒賣。芫荽馬蹄燒賣 。蜆蚧魚肉燒賣。沙嗲牛頸脊燒賣。懷舊燒賣。梅菜扣肉燒賣。HKD68 + 10%鹹蛋黃墨魚燒賣。HKD42 + 10% @ 3pcs龍芋酥。HKD42 + 10% @ 3pcs煙肉蘿蔔糕。HKD32 + 10% @ 3pcs大澳蝦醬鮮魷卷。HKD58 + 10%茶位。HKD10🤫 近排隔個禮拜就要過去觀塘嗰度同設計公司傾飯腳仔屋企裝修嘅事宜..兩口子變相經常都會喺觀塘徘徊..然後以食為生活方針嘅本人為咗喺繁忙與沈重嘅meetings中間尋求一啲樂趣..我決定開拓觀塘區美食研究報告🤪🤫 打頭陣嘅有呢一間裝修好有特色嘢食都好有特色嘅龍點心～我都唔知好唔好叫佢做酒樓😏因為佢係賣緊傳統酒樓飲茶嘅美食..但係嘢食又加添咗好多香港特色..然後裝修設計一啲都唔似舊式傳統酒樓..舖頭外邊有好可愛嘅龍師傅同龍仔Figures..而入邊係用咗好Colourful嘅彩綠色拼鮮橙色嚟做主色調..座位都算好多而且好多打卡靚位🤫 我哋被安排坐喺窗邊嘅二人卡位..QR Code落單..但係For老人家嘅話都可以用返普通點心紙..感覺服務都幾貼心..Any肥飯腳仔嚟到之前我已經叫晒嘢食影晒沙龍🤣等佢一坐低就有得食～🤫 Menu第一樣吸引到我嘅就係龍點心嘅招牌港原味燒賣拼盤..呢個拼盤一份有六粒燒賣..隻隻唔同味..而最過癮仲要係唔同顏色㗎..六粒燒賣裏便我最欣賞嘅係芫荽馬蹄燒賣..芫荽味好香再加上爽口嘅馬蹄粒粒彈牙嘅豬肉蝦肉..成件事原來係好襯個喎🤟🏻🤫 咁懷舊燒賣同粟米肉粒燒賣感覺都係比較似平時食開嗰啲燒賣..懷舊燒賣夠大粒蝦肉夠多..一啖食超滿足..而粟米肉粒燒賣就On Top加多咗層粟米嘅甜味同埋口感..飯腳表示滿意🤫 鍾意試特別嘢嘅一定要食吓沙嗲牛頸脊燒賣.. 梅菜扣肉燒賣同埋蜆蚧魚肉燒賣..沙嗲牛頸脊燒賣其實係乾蒸牛肉嚟㗎..一小片嘅沙嗲滑牛放喺乾蒸牛肉上邊..一啖咬落去嗰一浸沙嗲牛肉味勁出色..完全係Mix & Match～梅菜扣肉燒賣係你估唔到咬開之後真係有片扣肉喺入邊..再加上梅菜嘅香味..請問呢啲係咪叫做Fusion啊？然後蜆蚧魚肉燒賣顧名思義佢係一粒魚肉燒賣啦🤭而最特別嘅係佢入邊有一個水囊..一咬開就會有蜆蚧鯪魚球點嗰隻汁爆出嚟..好神奇啊😮🤫 咁我嘅寶貝飯腳仔揀飲擇食大家都知㗎啦..上邊六粒燒賣剩係得粒懷舊燒賣同埋粟米肉粒燒賣係啱佢食嘅..為顧及佢嘅感受我都要叫返個鹹蛋黃墨魚燒賣俾佢嘆吓..墨魚滑包成嘅燒賣異常咁彈牙..咬開仲會爆鹹蛋黃汁..飯腳仔食得好開心🤫 咁嚟得飲茶冇理由淨係食燒賣飽㗎嘛..我哋嗌咗三個熱氣嘢..第一個必推選擇係大澳蝦醬鮮魷卷🤩呢個真係好味呀～佢其實係一個好似米網春卷咁樣嘅嘢食嚟嘅..然後碟嘢一放上枱就已經聞到好香嘅蝦醬味..咬落去仲有鮮魷粒粒同蝦膠蔥段等等..口感相當多層次🤫 然後煙肉蘿蔔糕亦都打破咗我對蘿蔔糕嘅傳統概念..用一整條煎香晒嘅煙肉包裹住蘿蔔糕..面頭再加些少美乃滋..香脆得嚟又非常之肥美..食肉獸一定要試吓😌🤫 Last But Not Least就係好精美嘅龍芋酥..其實係有少少似炸脆咗嘅芋頭糕嘅..一小塊龍字咁樣放入口成件事Elegant咗🤪咬開中間仲有勁足料嘅臘腸臘肉粒粒..話時話原來兩個人食呢個份量嘅嘢係會食唔晒㗎🤪我哋最後加咗一蚊要咗個外賣盒打包返屋企..我決定下次帶埋Daddy媽咪過嚟試吓先得～。。翻兜指數：🙆🏻♀🙆🏻♀️🙆🏻♀️️ （5個🙆🏻♀️為翻兜爆燈）。。
繼續閱讀
因為落雨，搵唔到位，咁就食點心啦。之前食過都記得佢唔算平。真係唔好俾佢門口嗰個外賣牌同埋套餐牌擾亂，平日lunch時間係冇呢啲套餐嘅。連OpenRice入邊嗰個餐都係冇的。細細粒的鹹水角，點心係幾好味嘅蒸飯份量都足，兩個女仔啱啱好總括嚟講都坐得舒服，味道OK，兩個點心一個蒸飯，人均$102。大家記住呢一個孖寶午市係冇嘅。而呢個套餐就係外賣限定
繼續閱讀
您可能會有興趣的...