Black Coffee

營業中

休息中

今日去觀塘搵屋企人，順便同佢食下晚餐先，好耐無見了。我搵左間比較近裕民坊嗰邊嘅Cafe。叫black coffee，個名聽落幾特登，同埋見到佢啲野食幾吸引。我叫左個香煎口水雞扒三文治配雜菜沙律🩷🩷🩷🩷🩷佢個份量都好足，而且個三文治好多料，有生菜，蕃茄同埋醃過嘅口水醬汁雞扒，個汁辦辣地帶少少麻好惹味得黎又夠juicy啲雞肉，同埋配搭沙律菜夠清新。仲有叫左個水牛雞翼同自家製手打雞肉蝦餅🩷🩷🩷🩷🩷佢個雞翼係炸過，比較脆身同埋加咗啲口水醬汁辣辣地又帶點麻好開胃又過癮。同埋佢個手打雞肉好彈牙食到一粒粒嘅蝦粒，好煙靭。配埋佢嘅麻辣汁真係好正。仲加咗個龍蝦濃湯意粉配虎蝦🩷🩷🩷🩷🩷佢隻虎蝦係偏彈牙，同埋佢個龍蝦濃湯真係好夠濃味啲蝦味，同埋個意粉掛滿曬汁好夠味。最後叫咗個甜品雜莓窩夫配雲呢拿雪糕🩷🩷🩷🩷🩷佢個窩夫新鮮熱辣辣整外脆內軟，配埋酸酸甜甜嘅雜莓醬同埋cream一齊食，冰火二重奏再加埋雲呢拿雪糕勁濃郁嘅雲呢拿味，呢個配搭真係絕配我叫咗兩杯百香果手搖冰茶🩷🩷🩷🩷🩷佢個百香果係好清新，唔會偏酸，同埋佢個果香味好香，聞到飲落去淡淡地既茶香唔會蓋過果味。好滿足嘅一餐。