張公子

營業中

休息中

今日帶阿媽嚟食飯，呢間餐廳喺觀塘嘅樓上鋪，裝修得幾靚，日頭係茶樓，夜晚都可以嚟食飯，係朋友介紹，要特登嚟先搵到。兩個人叫咗四樣嘢，唔想食咁肥膩，所以叫得清淡啲，清淡得來又入味，食完唔會口渴。茶位費每人$18 ～ 乾煸四季豆 $128 炒得好香，有微微焦香，好鍾意佢個醬，好岩送飯，味道有啲似XO醬，佢個豬肉底係偏肥，比較邪惡，但係同埋四季豆一齊食罪惡感減低🤤 鮮腐竹蕃茄浸菜苗$122 呢樣就正常發揮，菜苗新鮮，腐竹同埋蕃茄嘅鮮甜同埋菜苗嘅清新好配合，所以最後連佢嘅湯都飲埋，因為佢個湯真係幾甜。生煎蓮藕餅 $138 令我最回味嘅係呢道菜，有蓮藕同埋豬肉，入面嘅肉汁豐富，外層煎得香脆，內裏鎖住肉汁！日式海鮮炒飯 $145 炒到米粒鬆散而且帶有微微焦香，飯粒分明，兩個人都幾飽，多於平時兩碗飯，但如果可以再多啲海鮮，就更理想。