Comfy by Chef's Stage (東廣場)

營業中

休息中

今日收工去左食個tea，原來觀塘東廣場裏面有間唔錯嘅cafe餐廳- Comfy餐廳位置舒適，而且有足夠間隔距離，私隱度充足。餐廳水喺自己裝，仲有sparkling water, 一般餐廳比較少有。我就叫左tea set嘅黑松露卡邦尼烏冬，加小食- 香烤美國雞翼配青檸蜂蜜柚子醬 配薯條。飲品叫左打卡一流嘅冰磚偽鴛鴦。咖啡冰磚加上朱古力-即係Mocha。黑松露卡邦尼烏冬，黑松露味幾香，卡邦尼嘅醬濃厚，每啖都食到濃濃而幼滑嘅口感加上煙肉嘅鹹香，味道唔錯。烏冬嘅質素非常好，軟綿有咬口，而且醬汁保持到溫度，食到底都唔會覺得凍左。小食 雞翼配青檸蜂蜜柚子醬 配薯條。份量都幾大份，兩個人share就啱啱好。一上枱都感受到d新鮮煎炸起嘅熱感。薯條粗身，香脆，大大份，茄汁另外裝起，份量充足。雞翼煎得好香，表皮好脆，肉質結實唔會肥。青檸蜂蜜柚子醬調教得好好，清新得黎唔會太膩，而且有柚子皮，味道更有層次。冰磚偽鴛鴦，賣相吸引，朱古力聞落香濃不會死甜。咖啡冰磚加上厚奶望落都好得意，而且可以自選甜度我就叫左走甜。食野前先倒左朱古力落冰磚到，隨住冰磚慢慢融化，一杯mocha就誕生啦！咖啡同朱古力嘅比例啱啱好，濃香