Comfy by Chef's Stage (東廣場)

營業中

休息中

揀左份明太子雞肉酸種多士配伯爵茶latte水波蛋有驚喜！係超級橙黃色既流心🤤配明太子醬同雞肉超搭 雞肉有煎過多士邊脆脆既口感 成件事係滿足的～伯爵茶latte 個人鐘意茶味濃啲 呢杯係屬於比較淡身 下次會試其他

*Comfy by Chef's Stage* 是一間環境寬敞且溫馨的寵物🐶🐱友善餐廳，其店內狗狗掃描畫牆畫增添了親切氛圍，吸引了不少愛寵家庭與美食愛好者。主打西式料理，不僅適合拍照打卡，更是味蕾的享受😋🩵特色料理🩵經典全日早餐🍳海鮮意粉🍝牛扒料理🥩🤍期間限定特飲🤍薑餅鮮奶🫚🥛：結合了溫暖辛香的薑餅味道，讓人回味無窮肉桂蘋果鮮奶🍎🥛：一種甜美與微微辛香的絕妙平衡，完美適合舒適的冬日下午。 香烤美國雞翼配青檸蜂蜜柚子醬🐥 ：雞翼香脆，搭配清新的蜂蜜柚子醬，風味十足。 牛油果蟹肉炒蛋白酸種麵包🥑🦀：營養豐富的牛油果與蟹肉結合，搭配酸種麵包，層次分明。 明太子珍寶鮮帶子扁意粉🍝 ：濃郁的明太子醬配上鮮嫩的帶子，是完美的意粉之選。無論是與寵物共度悠閒時光，還是享用精緻美食，Comfy by Chef's Stage 都是不可錯過的理想選擇！✨🐾 🕹️地址：觀塘成業街7號東廣場地下G25-31 & G59號舖

#### 🦞 **龍蝦蟹肉濃湯配酸種麵包** ($68) 濃郁的龍蝦湯底加入鮮甜蟹肉，每一口都充滿海洋風味，搭配外脆內軟的酸種麵包，蘸湯享用更昇華！ #### 🍕 **帕爾馬火腿莎樂美腸薄餅** ($138) 手工薄餅餅底香脆，鋪滿鹹香的帕爾馬火腿和莎樂美腸，簡單卻風味十足，適合分享。 #### 🍟 **明太子薯條** ($68) 金黃酥脆的薯條淋上濃郁明太子醬，鹹鮮微辣，讓人一口接一口停不下來！ #### 🦐 **番茄虎蝦扁意粉** ($132) 新鮮虎蝦彈牙鮮甜，搭配酸甜開胃的番茄醬汁，扁意粉煮得恰到好處，整體風味平衡。 #### 🥤 **香蕉牛油果奶昔** ($46) 濃郁滑順的奶昔融合香蕉甜香和牛油果的creamy口感，健康又滿足！ #### ☕ **Dirty（脫脂鮮奶）** 層次分明的咖啡與脫脂奶交融，濃郁中帶清爽，完美作結。 這頓西餐由濃湯、薄餅到意粉都充滿心思，每道菜都展現食材原味與廚師手藝👍

呢間cafe係朋友介紹，佢話午市人均消費~$150，食物幾好味。黑松露雜菌班尼迪蛋酸種麵包：$102；電子落單時，電子餐牌冇寫佢的蛋有乜特別，但見外賣平台寫 「採用日本蘭王蛋」，咁呢個絕對係賣點；食物送上時，又唔係特別符合Openrice評論提及的「打卡able」，擺盤冇乜心思，只係砌埋一碟；配菜新鮮但量少；酸種麵包原來搽咗牛油，烘完都係「淋淋」地；水波蛋煮得麻麻，如果裡面流心多啲會更impressive，雖然係用蘭王蛋，但食唔出分別，蛋味唔係特別濃；最好食係炒蘑菇，惹味；醬料有2款，1款應該係夾沙律菜的油醋汁，另1款係配水波蛋的荷蘭汁，味道正常冷泡咖啡：nutty同fruity 2選1，揀咗前者；跟餐+$25，價錢唔貴；250毫升；咖啡夠味，但感覺咖啡因冇自家製咁勁，飲完唔怕訓唔著朋友點咗三文魚沙律、意粉。意粉賣相別緻，碟上放有1條長形麵包條，仲有一大堆香草（芫茜？），但大量香草同忌廉汁好似唔多夾，有啲奇怪。三文魚沙律有麵包粒，佢唔係平常凱撒沙律入面果隻麵包粒，而係一口多士咁大；沙律菜的量唔多，淨係啲大嚿多士已佔咗好多位。2位朋友同樣點Dirty，賣相非常普通~呢度係電子落單，雖然由

🧭Comfy by Chef’s Stage(觀塘）⭐️工業風cafe⭐️隱世休閒cafe💸炸大啡菇 $68💸大啡菇內裡juicy 點醬食好爽調味都啱啱好 唔會死鹹 食到蘑菇嘅鮮味可惜當日油炸得太耐 顏色都睇到過深炸皮有種油膩感 食一兩舊就開始膩🍄‍🟫💸 明太子帶子意粉$142💸個汁幾香 明太子lover會鍾意可惜稍微太杰 唔夠creamy 浸住晒成個麵帶子新鮮好食 大大粒夠彈牙長條形脆餅點汁食幾得意係一個唔錯嘅選擇🐟💸 紐西蘭肉眼扒$178💸熟度符合預期 牛扒質素就比較普通切落有筋位 食落有少少韌個汁ok好食 但整體嚟講好一般 唔特別推介🥩💰人均 ~$250🍗食物：6/10👨‍✈️服務：7/10🪑環境：7.5/10💯總分：6.5-7/10總結: 食物一般嘅cafe，但環境幾舒服幾chill。有興趣可以試吓佢啲飲品，拉花幾靚幾好飲。平日唔算多人，如果喺觀塘附近唔想等位可以試吓。☕️

這家餐廳距離觀塘地鐵站大概幾分鐘，菜式和飲品都不錯。⭐️香草雞燒烤醬薄餅這道薄餅以香草雞肉為主角，味道濃郁。薄餅的底部酥脆，外層覆蓋著醬料，散發出迷人的香氣。沙律菜的清新與雞肉的鮮嫩配合得不錯，讓整道菜既滿足又不油膩。⭐️冬陰功軟殼蟹意大利飯這道意大利飯則是另一番風味。冬陰功的酸辣與軟殼蟹的鮮美結合。米飯吸收了湯汁的精華，軟殼蟹的酥脆口感為這道菜增添了更多的口感享受。⭐️薯條粗薯條外脆內軟，搭配上自製的醬汁，讓人忍不住一口接著一口。⭐️朱古力薄荷朱古力的甘醇與薄荷的清新形成鮮明對比，容易入口。⭐️牛油果香蕉奶昔牛油果香蕉奶昔濃郁的口感讓人感受到滿滿的幸福。

今晚同男朋友係觀塘搵左勁耐西餐最後選擇左東廣場既唯一cafe 唔洗等位又坐得舒服 menu多選擇 都幾滿意☺️1. 炸蝦天婦羅配櫻花蝦芥末蛋黃醬個人認為幾香口，炸得幾脆，上碟熱住上菜幾有誠意。炸蝦配沙律醬幾開胃，再加埋上面勁多櫻花蝦碎！下次想試埋佢既其他小食。2. 蟹肉海鮮龍蝦湯龍蝦湯有驚喜 因為有好多海鮮一路熬 而且個麵包都好香 烤得好好，又好煙韌，勁好咬！用黎點龍蝦湯一流，但係個龍蝦湯要趁熱飲，凍咗就唔係太好飲！3. 明太子珍寶鮮帶子意粉意粉超正！勁多明太子同醬，好足料，因為勁好食所以我最後係成碟清，成得勁滿足，所以最後我勁滯😂而且個帶子都好大粒，煎得好香，中意濃味既人必叫！4. 黑松露雜菌意大利飯risotto個味rich，似係外國risotto style，因為啲意大利飯係偏硬身，唔似平時港式勁淋，所以幾正宗！飲品：1. 開心果特濃朱古力奶昔：份量岩岩好，淡淡既開心果味，朱古力好濃厚，上面仲有cream 成件事好滿足☺️2. 曲奇奶昔：唔會太漏，唔會太甜，好飲！如果可以再多啲就好啦！去開觀塘工廠區想食高質cafe既不二之選，下次我會再泥食！🤤

東廣場多數我都係買小食外賣或者廢水，今次有朋友介紹嘅呢間連鎖cafe，真係令我大感意外🫢價錢偏高，但勝在出品高質，無論意式定日式都好encore-able🍚🍚/燒美國安格斯牛胸腹，日本蘭王溫泉蛋飯$158/牛胸腹入口超嫩，又juicy，燒汁鎖曬係肉入面，諗起都流口水🤤。加上蘭王溫泉蛋一齊撈飯食，簡直想食多兩啖飯🍚/明太子珍寶鮮帶子扁意粉$142/明太子忌廉醬超濃郁，扁意粉over-cook左少少。帶子果然係jumbo size，口感都零舍唔同，特別彈牙，而且食落無雪藏味，明太子控必點！❤️/松露薯條$68/🍟呢個薯條比我攤凍左少少，依然好「薯」好食。旁邊仲有黑松露醬或者茄汁，大大份其實好快食曬～😋

呢間絶對係一間值得推介嘅餐廳，無論環境定係食物都好有特色。裝修簡約又有啲藝術感，令人覺得好舒服，而且食物亦好有水準。首先，佢地嘅菜式好有創意，賣相同味道都相當出色。我試咗佢地嘅龍蝦湯，味道好濃郁，加埋啲龍蝦肉，真係好好味。另外佢地個黑松露雜菌意大利飯真係令人一試難忘，口感層次分明，汁料濃厚，超正！仲有個明太子海鮮披薩，配料十足，每一啖食落都令人好滿足。而佢地嘅嘢飲就更有特色，尤其嗰杯開心果朱古力奶昔真係超好味，香濃嘅朱古力奶昔配上濃厚嘅cream，上面仲有開心果碎同朱古力碎，飲完一杯真係想再飲多一杯。另外嗰杯蜂蜜水果茶更加係清甜可口。總括來講，食物同環境都非常滿意，絕對係值得一試再試嘅餐廳！

每次在附近辦事後都會光顧，食物款式老實說多年不變，但水準也是多年維持穩定，味道擺碟都很不錯，唯一要改善的是員工培訓，點不同的飲品，侍應都只是隨手放低，沒有說明一下，次次要問。

係觀塘區既Lunch黎講，連埋加一人均約$160，少貴，但佢既野食又吾錯既，幾好味，間吾中一次都可以既。同埋係open rice度book左位的話，真係會留位俾你，吾洗再等，欣賞！

如果要飲咖啡，我腦海入邊一定會浮現呢間餐廳，實在太令我着迷🥰咖啡有好多選擇，我尤其鍾情佢哋嘅「ROSE LATTE」同埋「BROWN SUGAR EARL GREY CAFFE LATTE」😍。好多時候我就算喺其他地方食完lunch，我都會之後去呢度飲杯咖啡，叉叉電。除咗咖啡，我都鍾意食佢哋嘅risotto，其中一個我成日都食嘅就係「冬陰功軟殼蟹risotto 」，佢係會成隻蟹原裝上碟，份量都幾大碟，食落去好重冬陰功味，好似食緊泰國嘢咁👍🏻

每次入去東廣場都見到 終於試下Lunch有意粉risotto酸種麵包同all day breakfast飲品就半價 都好多選擇👍🏼熱鐵觀音奶燕麥奶 ($21)轉燕麥奶 (+$4) 可以揀甜度揀左少甜岩岩好 飲到香濃茶味🍵另外叫左凍冰磚鴛鴦（原味）($23)好特別 賣相好靚 一杯係奶茶另一杯係expresso冰 溝埋就係鴛鴦幾有創意 打卡一流📸再叫左個小食 黑松露薯條 ($68)好大份 好香黑松露味 另外仲有個黑松露醬點炸得好香脆 好食🍟😋烤雞胸明太子醬賓尼迪蛋酸種麵包 ($118)好足料 有4-5件雞胸 仲要唔鞋有2隻蛋 係蘭王蛋 個蛋黃紅色 surprise上面配明太子醬都好夾酸種麵包又搽左牛油烘 好鬆脆另外有個沙律伴碟 balance番 唔錯🤤煙三文魚賓尼迪蛋酸種麵包 ($112)同上面個個大同小異 不過係配煙三文魚同埋係荷蘭醬 食落就會有d漏 整體都好食👍🏼

今日黎到觀塘東廣場呢間Comfy by Chef’s Stage食晚餐，膽粗粗叫左幾款平時唔敢叫既野食，又幾有驚喜喎！🍝煙肉義大利豬肉腸 花椒忌廉汁扁意粉望落係西餐咁既樣，食落居然有啲川菜既感覺，豬肉腸有少少麻辣，花椒又有啲麻辣，好似口水雞果種香口麻辣既感覺，但平時形成口水雞風味既汁通常好稀好watery，而呢個汁都係平時意粉白汁果個濃厚既質地，令到個麻辣味Keep住Stay係條利，但又唔會刺激到反感既地步，呢個感覺幾新穎，今餐最出色就係佢！😋炸大啡菇 配松露蛋黃醬切成條狀既大啡菇炸到外層炸皮金黃色，好香脆，入面大啡菇熱辣辣，要小心啲食！如果唔係會俾啲菇汁燙到條利！個松露蛋黃醬味道濃郁，蛋黃醬微酸既味道令人食慾大增！好食！🍕泰式新豬肉冬陰功薄餅酸酸辣辣既冬陰功醬，滿滿既芝士，加上秋葵洋蔥芫西等既蔬菜，口感豐富，唔錯既配搭！份量比想像中多，適合3-4個人Share食！🍹飲品叫左兩杯Mocktail，蜂蜜水果烏龍茶同埋玫瑰西柚烏龍茶，味道清新解膩，賣相精緻，真係唔錯！整體黎講，菜式創新得黎好食，擺盤有心思，餐廳空間闊落坐得舒服，店員親切有禮，用餐體驗良好，值得推薦！👍👍

今晚我們決定不煮飯，老婆提議到她同事推薦的觀塘東廣場找餐廳用餐。這是我第一次來觀塘東廣場，發現地下有許多不同類型的餐廳，讓我感到驚喜。我們最終選擇了一間好評不斷的西餐廳。一坐下來，我們就開始點菜。首先，我們點了一個黑松露雜菌薄餅，薄餅的底脆脆的，上面鋪滿了新鮮的雜菌和香氣撲鼻的黑松露，口感豐富，讓人一口接一口。接著，我們還點了虎蝦番茄汁扁意粉，這道意粉的虎蝦非常鮮嫩，搭配濃郁的番茄汁，讓整道菜色香味俱全。作為小食，我們選擇了炸意大利燒烤菇，配上松露蛋黃醬，菇的外皮酥脆，內裡卻保持了鮮嫩的口感，與蛋黃醬的搭配更是相得益彰。而炸薯條則是另一道不可錯過的小食，薯條外脆內軟，讓人停不下來。飲品方面，我點了一杯椰子雪糕咖啡，這杯飲品的雪糕椰子味道濃郁，配合咖啡的香氣，帶來了獨特的風味。老婆則選擇了凍椰奶咖啡，這款飲品清新可口，既有咖啡的提神效果，又帶有椰子的香甜，非常適合熱天飲用。整體來說，這頓晚餐讓我們享受到美味的西餐，氣氛輕鬆愉快。觀塘東廣場的餐廳選擇讓我們下次再來探索更多美食！