哈豆

營業中

休息中

一入店即時被壁畫吸引住，畫上12＋1位台灣影視藝人，好似著名嘅最後的晚餐。由於座位對住周杰倫，成餐飯小編就好似同杰倫一齊食咁🔅台灣牛肉湯麵 $66湯底味濃，牛肉燘得軟淋，而且滷水入味🔅丸子鮮蕃茄湯麵 $62彈牙嘅花枝丸拼頁丸，蕃茄湯麵微微帶酸，好開胃🔅炸物拼盤 $58 （跟餐減 $10）包括有六款台式小食：香腸、鹹酥雞、丸子、蝦卷同蕃薯條，啱晒同朋友分享。短身嘅台灣香腸甜甜地；鹹酥雞好香酥，又唔會乾；蕃薯條撒上梅粉，甜甜酸酸🔅手作芋泥窩夫 $38即叫即焗，非常新鮮，價錢又優惠。芋泥超多但唔會太甜，而窩夫就比平常的多一點酥甜😋