影片
更多
2024-01-27
69 瀏覽
嚟到觀塘工廈區除咗做嘢，行駱駝漆工廈之外，仲有一樣必做嘅就係喺工廈區尋找上樓秘店食好西喇。今日身處喺成業工廈附近，索性上去呢度嘅2樓食午餐。睇完門外Menu覺得好吸引，確定了有位就揀咗Bubble Tree嚟試吓。2人或以上最好先預約留枱。店內環境唔算好大，枱與枱之間都比較近距離。客人都係响附近返工嘅上班族居多。落單掃QR code，拎餐具裝水也是全自助。望下餐牌，最吸引我嘅係日本飛驒牛漢堡滑蛋蓋鐵板拌飯 （$89）套餐包括埋餐湯及飲品。雖然店面都好忙碌，但出餐都算幾快。餐湯係蕃茄甘筍湯。先嚟飲湯，湯入面好多茄茸粒，味道同濃稠度適中，幾好飲。我期待嘅主菜嚟喇。鐵板上枱份量好有氣勢。飛驒牛漢堡大塊又厚身，食落係重牛味，煎香咗有肉汁，有嚼感又juicy，非常美味😋。食嘅時候同啲滑蛋，車打芝士，粟米及蕃茄仔一齊食，味道層次好豐富！份量都幾多㗎。個滑蛋真係好滑好滑😋。滑蛋下面嘅飯係珍珠米配紅米飯。有嚼感。好建議大家叫呢個試試，有誠意又高質之選。餐飲叫咗杯Rose Latte (跟餐加$10)杯面灑上了玫瑰花瓣及可免費加一個topping, 我楝咗加棉花糖。淨係睇到佢已經覺得好賞心悅目😍食完飛驒
今日身處喺成業工廈附近，索性上去呢度嘅2樓食午餐。睇完門外Menu覺得好吸引，確定了有位就揀咗Bubble Tree嚟試吓。2人或以上最好先預約留枱。
店內環境唔算好大，枱與枱之間都比較近距離。客人都係响附近返工嘅上班族居多。
落單掃QR code，拎餐具裝水也是全自助。望下餐牌，最吸引我嘅係日本飛驒牛漢堡滑蛋蓋鐵板拌飯 （$89）套餐包括埋餐湯及飲品。
雖然店面都好忙碌，但出餐都算幾快。
餐湯係蕃茄甘筍湯。先嚟飲湯，湯入面好多茄茸粒，味道同濃稠度適中，幾好飲。
我期待嘅主菜嚟喇。鐵板上枱份量好有氣勢。飛驒牛漢堡大塊又厚身，食落係重牛味，煎香咗有肉汁，有嚼感又juicy，非常美味😋。食嘅時候同啲滑蛋，車打芝士，粟米及蕃茄仔一齊食，味道層次好豐富！份量都幾多㗎。個滑蛋真係好滑好滑😋。滑蛋下面嘅飯係珍珠米配紅米飯。有嚼感。好建議大家叫呢個試試，有誠意又高質之選。
餐飲叫咗杯Rose Latte (跟餐加$10)杯面灑上了玫瑰花瓣及可免費加一個topping, 我楝咗加棉花糖。淨係睇到佢已經覺得好賞心悅目😍食完飛驒牛漢堡飲番啖Latte，非常之正。
餐廳仲可以加錢享有飯後甜品，我叫咗個雪糕窩夫（另加$30） 雪糕俾咗朱古力味。個窩夫做得好脆😋😋，賣相也很美。
一百元鬆啲可以喺工廈區食到高質又咁有誠意再食埋甜品嘅一餐，真係好吸引，飽肚之餘係滿足嘅。希望下次去開觀塘有機會試埋佢哋其它款式嘅午餐啦。
總消費$129.00
1 瀏覽
0 讚好
0 留言
5 瀏覽
0 讚好
0 留言
張貼
