六両三.台灣食堂 (已結業)

位於觀塘嘅呢一間餐廳，我哋都係第一次試，比一人一鍋吸引咗，熱愛打邊爐嘅我就當然要試吓啦😋呢度除咗一人一鍋，都仲有一啲台式牛肉麵同飯類等等可以叫😆睇呢個餐牌都知火鍋套餐都好豐富，有肉、丸類、蔬菜同埋主食😆我同男朋友都係叫咗蔬菜養生鍋 ($128)😌本身湯底就清清地，有蘿蔔同埋蕃茄喺度～男朋友就叫咗鹿兒島豚腩肉，雖然呢個脂肪係比較多，但係啲脂肪好香，邪惡之選🤭而我就貪心啲，加咗$40要美國Prime牛頸脊，果然無揀錯，一睇就知啲牛油脂好平均，牛味好濃，肉質一啲都唔韌，超好食😋而丸類方面，我覺得三款都好食😋不過偏心喜歡燕餃🤣佢個雜菜盤都好多，尤其是油麥菜同高麗菜食極都仲有🤣啲菜都好新鮮，加上洗得幾乾淨😆主食呢我就叫咗冬粉，男朋友就叫咗王子麵～其實食完都應該夠飽嘅，不過為食嘅我哋就梗係嗌多咗啲嘢啦🤣見到佢做緊一個追加熱賣，$48有一碟澳洲M7和牛後腿肉眼同埋兩杯飲品😋碟肉當然冇我叫嗰款牛頸脊咁勁油脂，但都至少有牛香味，大大塊😌飲品我哋一個叫咗奶蓋白桃烏龍，一個西柚梳打，兩杯都唔會過甜，而且都幾解渴😆西柚梳打仲要有果肉添！額外嘅材料仲叫咗鹿兒島豚梅肉 ($45)，我自己喜歡呢個多啲，冇豚腩咁肥～