影片
更多
2025-03-01
446 瀏覽
《板神居酒屋 (銀八) - 觀塘》近排學飲清酒，所以呢期聚會都揀多少少有得飲清酒既地方，咁就可以食住野飲下酒實踐下wine pairing 啦😌今次去左觀塘既板神居酒屋同舊同事聚聚舊，join 左個清酒放題，人頭$298任飲多款日本不同產地既清酒，學緊清酒既我同唎酒師傾左好耐計，交流左好多飲酒既心得，唎酒師仲教我地用不同器皿會帶出清酒不同既口味🥴成晚飲下傾下計其實都飲到十杯架☺️最後醉醺醺咁樣離開的除咗飲酒之外，唎酒師仲教我哋點樣用清酒配返個食物，兩者配合之下令到味道更加好☺️佢呢度除咗有居酒屋小食之外，其實仲有做鐵板燒㗎，吧枱嘅位置可以睇住鐵板燒師傅處理食材，超級香，所以我哋都散叫咗不少鐵板燒嘅食物💁🏻♀️燒油甘魚鮫 $128油甘魚鮫嘅肉質會食得到一疏疏嘅感覺，都幾重油脂，少少檸檬同埋海鹽已經帶出到魚嘅仙味，一客四件大大件💁🏻♀️牛油果軟殼蟹卷 $88主食我哋就揀咗呢個牛油果軟殼蟹卷，入面嘅軟殼蟹仲係好脆身，同蛋黃醬嘅味道最合拍💪🏻出邊嘅壽司飯都唔會太酸，配合牛油果食落更顯得香甜，有多重嘅口感💪🏻菠蘿 $28燒菠蘿就比較普通少少，不過菠蘿本身就係比較甜，燒完之後有少少炭香，同埋有爆汁嘅口
近排學飲清酒，所以呢期聚會都揀多少少有得飲清酒既地方，咁就可以食住野飲下酒實踐下wine pairing 啦😌今次去左觀塘既板神居酒屋同舊同事聚聚舊，join 左個清酒放題，人頭$298任飲多款日本不同產地既清酒，學緊清酒既我同唎酒師傾左好耐計，交流左好多飲酒既心得，唎酒師仲教我地用不同器皿會帶出清酒不同既口味🥴成晚飲下傾下計其實都飲到十杯架☺️最後醉醺醺咁樣離開的
除咗飲酒之外，唎酒師仲教我哋點樣用清酒配返個食物，兩者配合之下令到味道更加好☺️佢呢度除咗有居酒屋小食之外，其實仲有做鐵板燒㗎，吧枱嘅位置可以睇住鐵板燒師傅處理食材，超級香，所以我哋都散叫咗不少鐵板燒嘅食物
💁🏻♀️燒油甘魚鮫 $128
油甘魚鮫嘅肉質會食得到一疏疏嘅感覺，都幾重油脂，少少檸檬同埋海鹽已經帶出到魚嘅仙味，一客四件大大件💁🏻♀️牛油果軟殼蟹卷 $88
主食我哋就揀咗呢個牛油果軟殼蟹卷，入面嘅軟殼蟹仲係好脆身，同蛋黃醬嘅味道最合拍💪🏻出邊嘅壽司飯都唔會太酸，配合牛油果食落更顯得香甜，有多重嘅口感💪🏻菠蘿 $28
燒菠蘿就比較普通少少，不過菠蘿本身就係比較甜，燒完之後有少少炭香，同埋有爆汁嘅口感💁🏻♀️雞心 $38
食內臟其實好配合飲一啲比較dry嘅清酒，個雞心燒得唔會全熟，入面仲有肉汁，食落唔會有血腥味，可能配埋酒嘅關係啦，我覺得佢有少少甜味添喎💁🏻♀️牛舌芯 $58
牛舌芯串燒唔算好厚身，但係食落有彈牙嘅口感，燒到好Juicy呀💁🏻♀️法國鵝肝2件 $118
超推介⚠️一定要食呀😍呢一個價錢食到咁厚嘅鵝肝都幾抵食💪🏻佢將鵝肝夾咗喺兩片麵包中間，落咗黑醋汁調味，咬落油脂爆滿好香濃😍好食到叫咗兩次💁🏻♀️蟹子沙律 $58
諗住清吓口味所以叫咗個沙律，食落爽口新鮮，食咗咁多油膩嘢最適合就係食返啲蔬菜清清味蕾，蟹籽嘅份量都幾多，值得一試💁🏻♀️酒盗芝士 $58 & 燒鱈魚乾 $48
餸酒神器，用咗香港好難買嘅日式酒盗配軟芝士🧀可以配餅乾又或者直接咁樣食都已經好開胃，唎酒師推介我哋要用個酒盗配埋鱈魚乾，咸香又脆口，就係因為呢度菜式令到我飲多咗清酒都唔知🤣💁🏻♀️燒味醂魚乾 $68
又係餸酒既菜式之一，個味醂魚乾甜甜地有少少酒香，食落煙煙韌韌唔會黐牙💁🏻♀️糖瀆草莓牛奶冰 $98
雖然食飽飲醉咗，但係都仲係想食啲甜嘢，所以最尾叫咗一個當季既草莓牛奶冰作結尾😳個士多啤梨可能經過糖漬，食落都真係幾甜下，建議配埋多少少牛奶冰沖淡少少個糖漿
張貼
