醉桃園

營業中

休息中

琴晚星期五晚去左呢度打邊爐，已經坐滿晒人，但員工服務都仲好有禮貌，坐低先叫小食，個避風塘茶樹菇好有驚喜，仲有個冷盤萵筍絲都好出色，最要提及係佢地新出左個花雕浸鵝肝，我未食過一個鵝肝咁香濃，好香酒味，但一啲都唔流喎！食完小食之後，就咗一個天麻魚頭鍋，嚟到員工介紹先先飲湯，個湯真係好濃郁，我都忍唔住飲咗兩碗，跟住再加清湯打邊爐，我地叫咗牛肉、豬肋條、蜆、竹笙、手打丸、黑松露餃……全部都好好食，價錢性價比好高。我覺得食物質素好之餘，佢哋嘅員工都好好禮貌，好好服務！又唔會趕你哋走，真係一個聚會嘅好地方，我下次一定會再嚟幫襯！