影片
港鐵觀塘站 A2 出口, 步行約10分鐘
繼續閱讀
電話號碼
96815115
營業時間
今日營業
12:00 - 15:00
18:00 - 00:00
星期一至六
12:00 - 15:00
18:00 - 00:00
星期日
18:00 - 00:00
以上資料只供參考, 請與餐廳確認詳情
有關獎賞計劃
今晚約了2位大家附近工作朋友晚餐，選去附近位那間餐廳吃，之前上網見這間裝修好有特色火鍋店，大家久没吃，選了這間今晚晚餐，到達後，充滿古式感，坐下感到寧靜舒暢，看了一會餐牌叫了醬料 少見車花醬，醬料帶有少少清花香味，自家製醬料，獨特醬香味，食物點了加多份本身另香味卜卜蜆火鍋湯底 有特色，以蜆滿鍋底，食物放入鍋多一層濃海鮮鮮香味黄金炸魚皮 炸得金黄色，咬一口脆卜卜，加了咸蛋香味的魚皮，另一番濃鮮魚皮香味桂花蚌 (半份) 蚌身厚肉，特别彈牙爽滑，濃鮮海水鮮蚌鮮味美國黑豚肉 (全份) 豚肉有厚度，平均分配肥瘦，好軟霖嫩滑，濃郁黑豚肉鮮香味，肉質好有咬口感獅頭鵝腸 鵝腸大塊比較少見，厚滑肉身，特别脆口彈牙，好鮮鵝腸香味手打鯪魚丸 (4粒) 丸身比較厚實，爽脆彈滑，好鮮魚鮮香味鵝肝墨魚丸 (4粒) 有特色，丸入面包住鵝肝，咬一口濃鮮鵝肝香味在口中，也有鮮濃香墨魚味，彈口爽脆靈芝菇 細細條，幼身嫩滑，好新鮮鮮香菇味皇帝菜 (時令) 大塊，片片翠綠嫩身，好新鮮鮮菜鮮味洛神花山渣茶 (渣) 清香洛神花味同酸香山渣味，平分甜味同酸味，解油胃清熱之選真打烏冬 幼身烏冬，軟硬爽滑蓮藕片 爽脆滑身，鮮香蓮藕味，唰唰聲准山 軟軟脆霖身，准山味好香黑松露鮮蝦餃 (4粒) 餃身軟霖嫩滑，好爽口，濃濃黑松露香味同鮮蝦鮮香味
繼續閱讀
725 瀏覽
有一段時間冇出街打邊爐，雖然仍然係九月炎炎夏日，今日都要滿足口腹之慾。上網搜尋一下，原來觀塘區都有一間港式火鍋專門店【醉桃園】，一於試試。餐廳位於觀塘工廠區內一楝重建後的小型商業大廈樓上，整棟商廈以銀座式飲食大廈為藍本。原以為這類型小型銀座式商廈只可以在銅鑼灣或尖沙咀區出現，估唔到觀塘也有。一如火鍋店名字，室內裝修環境充滿中式亭台樓閣風情；亦用上了很多假桃花作為裝飾，有點中式大宅的附庸風雅。九宮格醬料全部採用中式傳統圖案設計的小瓷甖，有心思、亦配合火鍋店的中式亭台樓閣室內設計風格。除了多款佐口小食及少量刺身，火鍋配料也有很多選擇，唯獨沒什麼有什麼特色丸餃類；游水海鮮也是較弱一環，不似九龍城或尖沙咀區的火鍋店，並沒有大大個游水海鮮魚缸。不過，就多了藥饍花雕醉雞鍋及幾款花雕醉香火鍋配料及小吃。火鍋湯底揀了濃香沙嗲鍋（$138），微辣；只有少許香濃、稠身，但未算特別濃郁。與普通火鍋店比較，沙嗲火鍋湯底已經算相當好；但與最靚的潮州沙嗲火鍋湯底比較，尚有進步空間。黃金炸魚皮（$78）熱辣辣、脆卜卜。沾滿炒至起沙的鹹蛋黃醬，入口多了一重鹹香。略嫌炸魚皮脆而不夠鬆化、口感稍硬身；鹹蛋黃醬也可以再濃味一些。打港式邊爐必點本地屠宰手切中國大陸黃牛肉。以本地港式火鍋店的價錢定位，這一碟手切本地牛頸脊(大)($488) 份量唔算特別多牛肉，可歸類為貴價。從顏色、光澤及黏木筷子的程度，肯定係真正本地新鮮牛肉；不過，以這個價位的牛頸脊來說，油花未夠靚，不配合這個價錢。入口牛味濃郁，肉味鮮甜；有適中咬口，略嫌未夠鬆軟。整體來說，牛肉質素雖高，但未至於去到這個價位。手切本地牛邊爪(中)($348) 屬於正肋骨位置，比較肥、油花及不上牛頸脊均勻，勝在肉味更重。不過，賣相就認真麻麻，油膏太多，幸好入口沒有牛臊味。手打丸拼盤（$98）包括火鍋店有供應的所有五款基本原味手打丸：鯪魚丸、豬肉丸、牛肉丸、鮮蝦丸及墨魚丸。手打肉丸價錢相對較便宜，質素中上，粒粒入口彈牙，各有各應有的肉味。以觀塘區的用餐標準，定價偏高；直逼尖沙咀及九龍城等等火鍋名店，尤幸火鍋選料的質素相當好。雖然地點稍為偏僻，但可以一試。
繼續閱讀
同屋企人飯聚，阿妹揀咗嚟觀塘呢間火鍋店，話有補身藥膳雞鍋食又係靚料邊爐。我哋食完都幾滿意，環境寛敞，帶點中式古典裝修，坐得好舒服，唔會好嘈吵，最重要食物真係高質。藥膳花雕醉雞鍋 $168半隻呢個雞鍋相當補身，一打開就聞到藥材嘅香味。即刻飲一碗湯，飲到當歸嘅味道，仲有淡淡的黃酒香氣，材料好足，除咗當歸、仲有黨參、紅棗、淮山。主角嘅雞好嫩，因為係用熱力焗熟啲雞，唔係煮熟，店員控制時間控制得好好。安格斯雪花牛頸脊 $348飲完湯食完雞就開始打邊爐，首先梗係我最愛嘅牛肉啦，呢個牛肉比平時食開嘅厚切少少，肉質好好，又有油香，軟稔得來有咬口，牛味都唔錯。手打鮮蝦丸 $88一碟有八粒，手打蝦丸好爽口彈牙，食得出用新鮮蝦肉整，有蝦嘅鮮味，食嘅時候，少少豉油提鮮，好正。沙白海蜆 $68呢個沙白隻隻肥嘟嘟，好新鮮鮮甜，完全冇沙。豚肉韮菜餃$68呢個餃爆多韮菜，脹卜卜，餃子皮滑滑，裏面超級香多汁。鮮腐竹 $30鮮腐竹滑滑的，有豆香，吸晒濃洧嘅湯汁超正。油麥菜 $30食火鍋梗係要食菜，雖然吸湯好肥，但係真係爽脆又好味。河源米粉 $28最後淥埋個湯米粉一流，呢個米粉比平時食開嘅爽口煙靭得多，吸晒湯汁又係冇得頂。
繼續閱讀
啱啱喺日本返嚟，好掛住香港打邊爐，第二晚即刻同屋企去食！先揀湯底，特濃莞荽控皮蛋鍋，莞荽控真係必試，一開鍋見到成碗綠色嘅湯底，好誇張！莞荽同皮蛋煮到好入味，侍應姐姐亦會係開始之前斟碗湯畀大家試下原味。等食之前先叫個牛油果鮮蝦春卷，牛油果令到春卷更滑，感覺都健康啲。打邊爐當要有肉，我哋揀咗紐西蘭羊肉片同美國黑豚肉，兩者都肉色鮮嫩，油脂分佈均勻，食落味道濃郁。手打墨魚丸，咬落煙煙韌韌，非常出色。花雕牛肉丸，入面有花雕酒，一啖咬落去就會爆出嚟，絕對係一個令人驚喜嘅組合。黑松露鮮蝦餃，每一口都有香濃黑松露嘅味道，真係令人回味無窮。水餃皮薄滑，鮮蝦餡又足料，絕對值得一試。另外叫咗油麥菜、唐生菜、靈芝菇、山水滑豆腐，味道清新又健康。最後叫咗金箔燕窩蛋白燉奶做甜品，大大塊金箔，感覺好奢華，燉奶亦好滑好滋潤。餐廳氣氛好好，適合一家大細嚟食。環境佈置得好中式，啲餐具全部好精緻，仲提供大量調味料選擇。
繼續閱讀
經朋友推介黎左呢度試下 真係冇介紹錯✨藥膳花雕醉雞鍋（半隻）$168職員會幫我地放啲雞落去再計時幫我地撈返起啲雞 👍🏻 啲雞吸左啲藥膳湯好入味 個湯底都好重啲藥膳味 職員不左兩碗比我地 幾好飲😋✨牛展（中）$188中都有十幾片 夠兩人食 因為唔想食啲好多脂肪嘅牛肉所以揀牛展 瘦得黎都好腍 又重牛味👍🏻✨紐西蘭羊肉片 $42超重羊肉嘅酥味 肉嫩 好食👍🏻✨花雕牛肉丸 （4粒） $42超彈牙 彈牙到彈走埋落地🤣 佢係牛丸入面有啲花雕酒 幾特別 但我就覺得個牛丸唔係好有牛味🍹竹蔗茅根（渣） $48✨醬料*2 $40總括嚟講食物味道係好好嘅 環境都好靚好舒適 兩個人坐好大張枱 好闊落好多位擺野服務都好好👍🏻 不過位置有啲偏遠 距離地鐵站成十分鐘 咁啱嗰日又落大雨 行到去都濕晒味道❤️❤️❤️❤️💔抵食❤️❤️❤️💔服務❤️❤️❤️❤️💔環境❤️❤️❤️❤️💔💰晚餐人均～$264（包括+1）
繼續閱讀
您可能會有興趣的...