醉桃園

營業中

休息中

食材新鮮，服務非常好，朋友聚餐好地方，因為冇限時，另外設有獨立房間，私隱度非常高，特別推薦象拔蚌刺身，花雕釀鵝肝，製作特別，味道一流，飯後甜品必點炸湯圓和糍粑，下次一定會再來.

琴晚星期五晚去左呢度打邊爐，已經坐滿晒人，但員工服務都仲好有禮貌，坐低先叫小食，個避風塘茶樹菇好有驚喜，仲有個冷盤萵筍絲都好出色，最要提及係佢地新出左個花雕浸鵝肝，我未食過一個鵝肝咁香濃，好香酒味，但一啲都唔流喎！食完小食之後，就咗一個天麻魚頭鍋，嚟到員工介紹先先飲湯，個湯真係好濃郁，我都忍唔住飲咗兩碗，跟住再加清湯打邊爐，我地叫咗牛肉、豬肋條、蜆、竹笙、手打丸、黑松露餃……全部都好好食，價錢性價比好高。我覺得食物質素好之餘，佢哋嘅員工都好好禮貌，好好服務！又唔會趕你哋走，真係一個聚會嘅好地方，我下次一定會再嚟幫襯！

一家大細，連埋個兩歲小朋友嚟食店家很好提供很大的圓台，環境優美設計有心思食材食得出新鮮同埋高質。咁嘅價錢。性價比非常高觀塘區而家好多食肆競爭，呢一間做得真的不錯同埋坐得都幾闊落，估唔到呢一啲中國風港式打邊爐地方，都有一啲好港式嘅BB凳有心思嘅餐廳一家大細，連埋個兩歲小朋友嚟食店家很好提供很大的圓台，環境優美設計有心思食材食得出新鮮同埋高質。咁嘅價錢。性價比非常高觀塘區而家好多食肆競爭，呢一間做得真的不錯同埋坐得都幾闊落，估唔到呢一啲中國風港式打邊爐地方，都有一啲好港式嘅BB凳有心思嘅餐廳

今晚一班好友埋左呢度打邊爐，醉桃園，坐低，先嚟龍蝦刺身，肉質新鮮彈牙，象拔蚌都好正好新鮮，舔舔脷，之後再嚟肥牛，今晚啱啱肥牛呢個部位勁雪花，勁平均，淥幾秒就食得，嘩，正到不得之了。之後再叫龍蝦用作打邊爐食，以為會無咁鮮，點知，一樣咁鮮甜、彈牙。生蠔，也是一絕，以為打邊爐淥完會冇晒鮮味，點知冇縮水兼仲保留到蠔嘅鮮味，真係好耐冇食過咁高質素嘅打邊爐食材🥰服務態度又好，食品岀品高質，價錢合理。推薦👍🏻

龍蝦刺身令人驚艷！肉質爽滑彈牙，鮮甜的滋味在舌尖綻放，彷彿能感受到深海的清新氣息。配上少許芥末和醬油，恰到好處地提升了味道的層次，卻又不掩蓋龍蝦的天然鮮美。每一口都充滿奢華與細膩，絕對是頂級海鮮愛好者的首選。牛肉鮮嫩多汁，肉香濃郁，每一口都充滿紮實的口感與豐富的層次。無論是煎、烤還是燉，都能完美展現出牛肉的鮮美本質，入口即化又不失嚼勁。這份美味，絕對值得細細品味！沙嗲湯底香濃誘人，濃郁的花生香氣與微辣的滋味完美結合，湯頭層次豐富且回味無窮。無論是搭配海鮮還是肉類，都能完美襯托食材的鮮味，帶來濃郁又溫暖的味覺享受，讓人一試難忘！

求其喺OpenRice搵咗間食打邊爐，冇諗過喺觀塘區都搵到一間咁高質嘅火鍋，啲價錢唔算平，但食品質素非常高，啲嘢食又夠大碟，所以都算係性價比好高今日叫咗個天麻魚頭湯，超級好飲，魚頭好滑佢啲肉quality 好高，不過芫荽份量太少、唔建議大家叫。生蠔超大份，又厚肉。鴨血就麻麻哋，係平時喺街市嗰隻。叫左半隻雞大份又夠滑不過員工應該係新手，唔知點解仲係做漏嘢，不過服務態度都好好，又會主動過嚟換碟。圍起388一個人，大家都食得好飽，性價比又夠高，所以下次都會再嚟幫襯!!

同多年沒見的舊同學聚會第一次到醉桃園一開𨋢門，好強烈醉雞鍋的味道👅職員給我們廂房，環境很好枱面一早已準備醬料配菜由於我們人未到齊職員都有禮問我們有沒有什麼需要但不是不斷問那種，令人感覺舒服朋友到齊了，一來就吃了糍粑（甜品）🤭太好味，即炸的感覺，又不會太甜再落單湯底、火鍋料款式很多，很新鮮，擺盤亦很好打卡一流大枱有圓盤，電動圓盤，方便大家還有啤酒清酒任飲計劃貼心地讓每人揀選一隻獨有款式的清酒杯平日不飲酒的我，在這個氛圍下都飲了幾杯清酒最後當然飲飽食醉，同朋友回想往事非常滿足，最後所有食客走了我們還意猶未盡，阻礙職員下班真的不好意思🙏🏼重要是服務態度仍保持禮貌現在香港這個服務態度是少見的醉桃園絕對值得再來👍🏼👍🏼👍🏼👍🏼👍🏼😋😋😋😋還有還有，我們食滿$2000，可以加$1有枝紅酒送，有幾款選擇

預訂包廂環境優雅中式傳統餐廳設計就算全場坐滿多人自成一角方便傾偈醬料多款任君選擇醉桃園養生滋補鍋雞件夠多花膠大件湯底十足火喉好飲食物新鮮豐富量足牛類選擇夠晒多款服務態度夠晒殷勤服務員不定期換碟招呼十足對客有善酒水種類選擇充足又可以加錢轉任飲除咗啤酒汽水之外仲有自家梳打清酒甜品仲有驚喜特色食滿二千仲送紅酒今晚五個人打邊爐每人均消費四百幾最後大堂設有裝飾可以俾我哋打埋卡影返一張靚大合照雖然第一次嚟幫襯整體令我賓至如歸下次可以再嚟一試

十分滿意的父親節晚飯👨🏻🫶🏻首先，店鋪環境十分舒適，亦設有多個私人空間。由於我哋第一次嚟，店員在點餐時好細心為我哋介紹💕食物方面，湯底、火鍋配料和刺身都很有質素。湯底選擇有很多，我哋今次試左杏汁白肺和醉雞鍋。象拔蚌跟池魚特惠刺身拼盤物有所值。值得一提，店舖還很有誠意提供了父親節主題的氣球為我哋拍攝寶麗來📷✨絕對會再來！

今次去呢間餐廳打邊爐慶祝父親節，嗌咗沙嗲湯同椰子雞湯底，椰子雞好清甜，加上用豬骨熬湯，所以好好飲，沙嗲湯底好惹味，海鮮新鮮好味，最意外驚喜係墨魚丸，彈牙足料嘅墨魚丸，推介而且員工服務一流，好耐無喺香港有咁嘅體驗。最重要係呢間餐廳唔限時，可以慢慢享受😋呢間餐廳除咗邊爐，仲有圍菜同私房菜，下次再試下

🐮牛肉新鮮切，牛味濃郁。藥膳湯底配花雕醉雞一流！可以先飲湯，再食雞，之後繼續打邊爐。正呀！😋😋 環境都坐得好舒服又有房，可以邊睇電視邊食適合一家大細！另外職員服務好好，會主動幫忙烹調。

星期六朋友聚會，諗左好多間餐廳，有諗過放題／西餐／海鮮，最終選擇公司附近的醉桃園，初次來到，眼前一亮，裝修非常特別，好似拍劇場景咁，勁多打卡位，坐低後靚靚職員介紹湯底，問我地有甚麼口味要求，又建議煮法，還幫我們計時，令到啲雞唔會煮得老，椰子湯超甜，其他食品都非常新鮮，特別係牛肉同珊瑚蚌，但網上落單就反應比較慢，臨走仲有甜品送，炸湯丸口感特別，全程開心，職員服務非常好，忍唔住要寫番個好評，絕對值得再去！

今晚同班姊妹黎食晚市邊爐慶祝生日，Book咗間房大吃大喝，非常盡興！餐廳嘅設計好有中式古典特色，設計到好似置身於高級客棧咁，好別出心裁，好多打卡位！.湯底揀咗醉雞鍋同芫茜皮蛋，醉雞鍋可以揀半隻或者成隻雞都得，啲雞即使係雞胸位置都好有咬口，芫茜湯好足料又好清香。牛嘅部位選擇都好多，尤其牛頸脊同埋牛小排，油脂分布勻循，淥十秒就食得。.海鮮試咗蠔、貴妃蚌同埋龍躉片，生蠔大大隻好Juicy好新鮮，貴妃蚌好爽口彈牙，龍躉片都切到好薄一滾就熟，又係超爽口！其他配料方面，皇帝蟹柳同埋墨魚滑蝦丸，仲有手工餃例如韭菜餃都係皮薄餡靚。其他前菜方面，推介黃金炸魚皮同埋萵筍絲同埋鳳爪，係等齊人之前，或者火鍋未滾之前過下口癮幾唔錯。.另外嘢飲方面都好多選擇亦好有特色，一定要試荔枝Whisky梳打，一飲上癮🥺 而服務態度方面啲侍應都好好客，又主動幫你打卡，總之整體體驗係大滿足，如果鍾意坐得耐同傾偈，呢度比觀塘其他限時放題鬆動好多，又啱一大班人嚟暢飲暢食，係公司聚餐、慶祝活動或者宴客嘅好選擇👍🏻

之前想book位，但一直都book唔到。。！今日機緣巧合之下終於食到啦，果然一試難忘令我流連忘返！啲食物勁新鮮，而且服務態度又好好，要點名表揚Dee哥哥✨野生竹笙好大條好爽脆✨安格斯牛牛味重✨椰子雞鍋一上鍋，我哋就忍唔住飲咗幾碗，爭啲飲晒添重點！所有嘢食都係超新鮮，雖然價錢係觀塘對比其他火鍋店可能高小小，但絕對物有所值！！！下次要同d frd再過黎食！呢原來夜晚仲有私房菜價錢都唔貴四百幾蚊有一個人絕對係觀塘第一嘅中菜！

朋友介紹嚟咗醉桃園晚飯，一入門口見到古代亭園佈置出色，不停卡打，一行五人安排坐個卡位，位置寛落坐得舒適，抵讚！我地選擇咗打邊爐，先點了個清香椰子雞窩，滾起就試下啖湯先，勁好味，香香椰子味雞肉又滑又嫩，滿意，再上埋個醬料盤，又係打卡時間，再點了手打蝦丸，墨魚丸等等整體食物新鮮，最後仲有甜品，食物不錯又不限時，啱晒同朋友嚟吹吹水，好地方！