牛気 (雅蘭中心)

營業中

休息中

我已經係第四次幫襯呢間餐廳，冇黎一排估唔到差左。黎到旺角唔知食乜好，諗起牛氣，係門口睇緊餐牌時店員好落力咁介紹，本來都諗緊食唔食海鮮，但都係$288有海鮮呢個都係好似吸引啲，跟著店就好落力推$338有和牛呢款，我問佢會唔會第一轉黎和牛，之後再叫就變返cheap牛架，但店員拍曬心口話佢地唔做呢啲野，咁見佢咁有信心即管試下啦⋯⋯點知真係伏...第一轉和牛係ok嘅，但第二轉牛我真係好懷疑係咪百幾蚊果啲黎，好差，試左一塊又厚又鞋，之後叫店員換一碟黎都唔好得好多，我放棄叫和牛了，反而$288嘅小牛排仲好食囉⋯⋯今次蝦又細隻左，我最鐘意嘅壽喜燒湯底都淡味左，我鐘意以前嘅濃味，咁嘅湯底不如去吉野家打邊爐好過。今次兩個人食七百幾食啲咁嘅野真係好牛望。