牛気 (雅蘭中心)

營業中

休息中

牛気最近推出了夏日限定「泰Happi」主題，用泰式船麵湯」做火鍋湯底，將泰國經典美食與日式涮涮鍋融合，創意滿分，這天就帶泰粉老best來試試。店內環境寬敞，座位舒適。120分鐘火鍋放題，我選了Lv4: 澳洲穀飼黑安格斯牛 + SRF 美國極黑牛放題 + 海鮮放題。自助區所有丸類、菇菌類、蔬菜、熱葷、甜品及飲品，全部無限任食。「泰式船麵湯」湯底味道濃郁，集香、辣、酸、微甜的味道於一身，層次豐富。用泰式船麵湯來涮牛肉，牛肉吸了滿滿湯底後，有提鮮作用，味道鮮甜，充滿泰式風味。澳洲穀飼黑安格斯牛牛肉大大片，肉質淋滑，油花不重，肉味濃厚；美國極黑牛有細緻油花紋理，入口甘香帶油花；Prime 美國肩胛肉眼肉質鮮嫩，油脂分布均勻，口感極佳。海鮮拼非常新鮮，而且內容豐富，包括大大隻爽甜帶子、彈牙鮮蝦、爽口水魷、肥美青口、淋滑花膠及鮮味蝦滑。另外，三文魚刺身厚切肥美，有獨特三文魚魚油香味。甜品方面，店內有榴槤大福及開心果牛奶雪糕，火鍋後吃一口冰涼甜品，幸福感大增。

2個人嚟呢度食Lv 1($198)120 分鐘放題，呢度人係比較多，但係外面啲嘢refill 都快，出肉類都出得好快，肉嘅質素唔錯，唔會黑晒，而且我哋叫最平呢個餐嘅肉都味道幾好。熟食區有啲唔同嘅小食，我幾鍾意佢有關東煮，啲蘿蔔好入味，可以唔使自己淥😆😆另外佢嘅菜類選擇都多，放多啲蔬菜落去個鍋裏面煮，令味道越嚟越甜，正👍👍另外有軟雪糕同埋一啲雪條，仲有其他小甜品，都唔錯，以呢個價錢食到咁多唔同嘅嘢，兩個鐘又唔會太趕，得閒可以再食下😋😋

餐廳位於雅蘭中心地下，由地下到一樓的樓梯石級及和風佈置，感覺轉眼間已經由旺角鬧市穿越到日本一般。見到可任食期間限定既日本特選和牛肩胛肉眼，同時可享清酒和生啤任飲，叫左一個LV5既澳洲極上和牛+海鮮放題。湯底種類繁多，揀左北海道昆布清湯及完熟蕃茄濃湯既鴛鴦鍋。除左可手機落單外，外面仲有一個空曠的自取區，有各類新鮮蔬菜、熟食、甜品和飲品等可供自由選取。日本特選和牛肩胛肉眼和牛色澤粉嫩，油脂分佈相當多分佈均勻，油香味齒頰留香，口感細膩醇厚，入口即化，大大推薦！澳洲極上和牛澳洲和牛厚薄適中，和肉牛肉味濃郁，口感柔軟多汁，色澤紅潤，完全無筋或「鞋」既情況。海鮮可選擇種類多樣，有花膠、原隻鮑魚、日本帆立貝、大海蝦、青口、墨魚滑及爽脆水魷等。花膠又爽又軟熟，煮耐左都一樣咁好食。鮑魚肉質厚實，味道鮮味十足。日本帆立貝飽滿大隻，味道鮮甜。大海蝦蝦頭內有滿滿既蝦膏，味道濃郁。三文魚刺身來自挪威三文魚，有濃厚既魚油香味，不用點醬油味道都足夠。貓山王榴槤雪米糍榴槤的雪糕及糯米磁都好濃郁，特選品種有貓山王及D24可供選擇。鮮柚楊枝甘露有滿滿既香甜芒果粒、彈牙西米露和酸爽西柚粒，配搭濃厚椰奶，味道多樣同時口感豐富

早前喺旺角分店食飯，雖然唔係第一次去旺角分店但今次用餐體驗極強差人意。上到嚟reception，同行嘅人講左兩次揀Lv1，企reception嘅人着恤衫，完全冇反應喺度睇電話，我同女朋友你眼望我眼，過咗一陣先抬起頭理我地，但係又問多次食咩餐。語氣俾人感覺好煩躁唔耐煩，感覺好差。重複咗揀咩餐之後已經即刻講埋要咩湯底，但reception個女人又耷低頭睇電話叫我地揀湯底，又再重複一次之後佢先抬起頭落單，原本黑口黑面無拿拿又整個假笑咁，令人感覺睇唔起食平餐而且感覺心不在焉，其實如果個人事務咁忙不如換個人接待。講完又要重複，語氣態度又差，畀人感覺似睇唔起食Lv1，唔想做Lv1生意嘅話唔好擺上menu啦。入座後食到咁上下差唔多煲到冇水先有人加湯，問豉油有未，話加緊但等一段時間都未有，調料bar枱面亦相當污糟，麻醬蒜蓉周圍都係，地下都有豉油，觀感相當唔好，本身地板已經好跣加上有豉油，啲員工包括企reception嗰個女人行過路過都冇人肯理。明白假期會比較忙，呢啲少少衛生問題可以體諒，我都做過餐飲，明白忙嘅時候未必可以成日有人得閒去處理，但服務態度真係令人失望，開開心心食個飯估唔到飯都未食已經受氣。

這次選了「澳洲穀飼黑安格斯牛＋SRF 美國極黑牛放題」，油脂分布漂亮、涮幾秒就入口即化，牛香在嘴裡慢慢散開，真的很滿足～剛好遇上「韓風祭」活動，有不少限定菜色，驚喜多多：• 🥣 雪濃牛尾湯底：奶白濃郁，暖胃又舒服• 🥢 韓式前菜：泡菜夠味，酸甜蘿蔔清爽，配火鍋很剛好• 🌶️ 熟食：爆辣雞鎚、蜂蜜炸雞翼、晚市限定的蘿蔔燜牛肋條都好吸引• 🍜 火鍋配料：QQ韓國年糕、吸湯拉麵，越煮越香• 🍧 甜品：米酒大福清新軟糯，銀耳杞子燉雪梨也很潤喉另外要誇一下旺角分店的服務，很貼心：主動加湯、輕聲提醒小心燙，細節做得很好～

病咗差唔多兩個禮拜終於好返，係時候要大吃大喝補償番。今晚即刻拉左老公去旺角打番個邊爐先。一定要揀番間最穩陣既火鍋鋪，所以首選一定揀呢間encore左幾次既牛氣食，因為個重點係牛氣俾我個印象係食物質素最高，最乾淨，最新鮮。今晚揀左個Level 4食，因為level 4有海鮮食，同埋啱啱好番食90分鐘都夠哂皮。牛氣既level 4已經有SRF美國極黑牛食，SRF既牛個人覺得俾和牛口感更好，更有牛味，少左油脂味，所以個人更加喜歡SRF牛，當然仲有澳洲穀飼安格斯牛，感覺上口感都差唔多，都唔錯。另外牛氣既重點係海鮮比其他任食鋪頭更加好味，海蝦好大隻肉夠彈牙，帶子又係好出色，鮮甜味十足，仲有脆鯛魚片，爽脆無骨。另外必試竹笙蝦滑，口感好有層次，喺必食推介。泰式生蝦又係值得一試。牛氣咁多年都keep到水準，今晚食得勁滿足。

下午放假去咗雅蘭中心牛氣主打日式涮涮鍋。點選LV4咩都有，牛肉，豚肉，雞，海鮮，魚等等，鍋底韓式雪場牛尾湯SRF美國極黑牛/澳洲穀鉰黑安格斯牛，兩款牛肉味好濃，後者唔肥膩，豚肉都超高質海鮮-有三文魚刺身，海蝦、墨魚滑、青口、爽脆水魷同日本帆立貝、小海參，脆鯛魚片，花膠，真係又新鮮又好滿足。配料-自助吧有本地水耕菜，比較欣賞人參葉，有啲似通菜爽爽脆。台灣快菜好清甜，另有多款丸類，熟食區有雞翼，薯條，燒賣，魚蛋。QR code仲有好多類火鍋配料🤭手工豬肉餃都係推介甜品-豆腐花，芒果布甸，唧軟雪糕同埋即整棉花塘，即製咖啡，同大量飲品任飲，欣賞放題有咁多創意食品環境乾淨，店員快手處理，讚

同朋友👭兩個人系旺角行街，閨密提議想打邊爐，咩都可以試吓最正，小朋友先做選擇🤪最好當然係全部都要😉今次我地揀左去食牛氣Lv4 黑安格牛 + SRF 極黑牛海鮮放題，而家仲做緊韓風祭🤩餐廳氛圍舒適，好適合一大班朋友聚餐或者慶祝生日❤️🫶🏻黑蒜豬骨湯底湯頭濃郁，味道醇厚，帶有自然黑蒜香味，十分適合搭配肉類😉🫶🏻蕃茄湯底清新酸甜，讓整體口感多元化，適合中意清爽口味既人🫶🏻🫶🏻SRF 極黑牛👍🏻肉質鮮嫩，油花分布均勻，食落口感滑順，中意食牛肉必食👍🏻🫶🏻黑安格牛風味獨特，肉質扎實，牛肉香味濃厚🤩🫶🏻挪威三文魚刺身👍🏻三文魚刺身新鮮度高，肉質細膩，搭配醬油更添風味👍🏻🫶🏻脆鯛魚片魚片口感酥脆，魚肉鮮美，適合中意我呢啲食魚嘅人🤤🫶🏻日本帆立貝肉質鮮甜，煮熟後依然保持彈性，堪稱一絕😋總體來講海鮮放題選擇非常豐富，無論是肉類定係海鮮，都能滿足唔同食客需求。湯底多樣化搭配更是增添左整體用餐樂趣，非常推薦中意打邊爐朋友

今晚同老公撐枱腳，去咗旺角雅蘭中心《牛氣》佢主打日式涮涮鍋放題！😍去到餐廳，店員講解一下唔同套餐嘅種類！我哋就一於選擇Lv4啦。因為乜都有丫，有唔同部位嘅牛肉，豬，雞，海鮮，魚等等😆今次揀咗佢哋嘅期間限定嘅蝦湯底同埋黑蒜豬骨湯底！👍🏻👍🏻肉類方面，SRF美國極黑牛澳洲榖飼黑安格斯牛特選牛小排PRIME美國肩胛肉眼牛骨髓海鮮方面，花膠日本帆立貝大海蝦青口水魷魚鯛魚片三文魚刺身咁多款肉類同海鮮選擇！啱晒唔同口味嘅你！另外QR code落單，仲有好多選擇㗎！佢仲有壽司，魚生丼即時入會，仲有和牛送吖😋九州和牛肩胛肉眼😍雪花比例平均，入口即化，牛味輕盈。👍🏻出邊自助吧，仲有其他食物，甜品，熱食，炸物，湯品選擇😋數唔晒，大滿足👍🏻牛気 (旺角雅蘭中心II期)旺角彌敦道625及639號雅蘭中心地下(部份)及1樓118號舖(山東街入口)？

同朋友行街買到9點幾，諗住搵下野食，經過見到樓下個靚女介紹位位減$40，就試試佢啦，叫左個4號餐，有牛有海鮮仲有三文魚，門口個女仔（着恤衫好似係店長）帶我哋入去嘅時候仲介紹俾我地，個吧10點半收可以拎多啲野食入去，甜品同雪糕慢慢唔使急，食完先拎，雪糕機都係10點半收唔嫌棄嘅可以試吓M字頭雪糕，想啤啤佢，咁啱Citibank有買一送一優惠，涼住冷氣打邊爐仲有得啤啤佢，呢餐食得好開心又抵食！一定要再嚟食！

一早用openrice book位, 準時到達並告知店員我們透過openerice book位, 也告訴他預約登記的電話號碼, 但店員完全沒有理會, 態度敷衍。落單90分鐘的set, 完全冇解釋下自己睇張單先發現人人有額外30分鐘。即係理論上有120分鐘用餐, 點知店員到75分鐘已不禮貌地掟了張單嚟叫我們結賬, 打算趕我們走。呢個時候當一大團旅行團殺進來, 環境即時變得非常擠逼、嘈吵、混亂、恐怖, 很難想像旺角大商場食肆都做埋團餐。

成日諗唔到食咩，就會去牛氣間唔中會有折扣優惠。通常會叫九州黑毛和牛套餐，而湯底會叫壽喜燒。其他套餐嘅肉都覺得麻麻哋，佢哋嘅海鮮都比較一般。有唔同嘅蔬果喺出邊可以自己揀，120分鐘可以食到好飽！

兩個人去食，本身18:30入場，食90分鐘，到19:58已經食完雪糕最後一啖，未𢴇到嘢嘅時候就已經有人黎趕你走，語氣都唔太好，當住全世界講「夠鐘啦！要走！」，好似你坐係到好耐霸住佢個位咁。服務態度真係香港特色，全程無人幫手𢴇碟，要自己舉手叫人唔該先有人黎，又有漏單，嘢食岀得慢，嘢飲種類少。覺得依個價錢仲有好多其他好嘅選擇！唔會再去！希望大家睇到依篇食評

牛氣日式火鍋放題真係一個超值嘅選擇！呢間餐廳提供豐富嘅高級食材，每樣都新鮮得不得了。先講講牛肉，選用咗澳洲和牛同特選牛小排，紋理美如藝術品，入口即化，油脂同肉質完美融合，味道濃郁香甜。每一片牛肉都充滿肉香，食一口就停唔到口。火鍋湯底有多種選擇，無論你鍾意清湯定麻辣，都有啱你口味嘅。豬肉同雞肉質地鮮嫩，燒煮之後味道更加突出。海鮮部分更係唔容錯過，鮮甜嘅三文魚刺身、大海蝦同墨魚膠，全部都係頂級嘅新鮮食材，嚐起來味道鮮美，絕對係一大享受。除此之外，仲有各式各樣嘅配料同蔬菜，滿足唔同嘅口味需求。餐廳環境舒適，服務親切，讓人可以慢慢享受每一口嘅美食。總括嚟講，呢間牛氣日式火鍋放題真係值得一試，一定會帶俾你非凡嘅味蕾體驗！🥩🍲🍤

今天來到旺角朗豪坊睇戲，天氣凍凍地揀左附近哩間任食的火鍋店，鐘意佢牛肉品質超正，而家仲有特別優惠，訂座再送多30分鐘比你，即係150分鐘任食！$3xx就可以吃到和牛級別相同口感的牛肉環境：以木係日式裝修，座位寬敞舒適，新開好新淨好靚期間限定蜆鍋 🥘必點菜式：澳洲谷飼黑安格斯牛牛肉好細嫩，脂肪雪白，油花豐富，正SFR美國極黑牛黑牛好大塊，色澤好靚，入口即溶好肥美好正PRIME美國肩胛肉眼🥩牛肉質地柔軟，好香濃牛肉味，好適合火鍋三文魚刺身 牛骨髓花膠大海蝦日本帆立貝脆鯇魚片*魚肉好鮮甜，讚山水豆腐花*好清溜好正vanilla自製雪糕 甜品都好多選擇，最正可以自己整棉花糖