龍亭

佐敦入門級鐵板omakase。分別點左$588同$788套餐各一個。套餐主要有沙律、海鮮2款、肉類1款、炒飯同甜品。後者就多左個前菜同湯。前菜魚子醬溫泉蛋幾香滑。海鮮我地揀左扇貝、鮑魚、虎蝦同帶子。牛油黑松露北海道扇貝，鮮甜彈牙，醬汁香滑；蒜蓉醬鮑魚厚身味濃有咬口；虎蝦鮮甜，醬汁以蝦頭蝦膏製成；黑松露帶子，配上意大利黃瓜片，鮮味更突出。肉類揀左澳洲牛柳粒同秋田雞扒。前者最理想係五成熟，但我怕生，要左七成熟。肉質都仍然柔嫩，肉汁豐富。鐘意既可以蘸竹炭鹽或芥末提味。秋田雞扒表層香脆，雞肉嫩滑，可以蘸特濃蒜香牛油或者秘製辣菜汁。昆布豆腐麵豉湯相對比較清。海鮮炒飯份量都算多，夠乾身，煙煙韌韌。甜品檸檬雪芭配柚子皮夠清新。豆腐雪糕配爆珠紅豆口感有啲驚喜。整體黎講性價比算唔錯。