七福神和食亭

營業中

休息中

約了好友來依間居酒屋食，地方都幾大的，佈置日式簡樸，美食選擇多，價錢親民，份量十足，難怪吸引咁多食客光顧。蟹籽沙律(細) $60沙律超大碗好震撼，蟹籽大堆，要將沙律醬撈埋青瓜絲蟹柳有點吃力，皆因青瓜絲份量太多好易撈出碗外，青瓜絲爽脆又長長的可當麵食，係幾健康開胃的前菜。芝士焗天火蠔 $90蠔身飽滿肥美，味道鮮甜，佈滿白汁芝士煙肉碎，芝味十足邪惡又好味。鹽燒三文魚頭 $75半邊魚頭大件，魚皮燒得焦香，魚肉嫩滑好食。醬油燒京蔥雞肉 $50爽口大葱多汁美味，雞肉大件燒汁美味。清酒煮大蜆 $95海蜆大隻有肉好多隻，蜆肉鮮甜，散發陣陣清酒香。蟹味噌甲羅燒配鱈魚乾 $68甲羅燒香氣撲鼻，蟹膏咸香鮮味。配以脆卜卜甜絲絲的鱈魚乾好匹配，超正。西京燒銀鱈魚 $178魚肉口感嫩滑，西京味噌入味，味道香甜不油膩，可以慢慢歎。