匠山

營業中

休息中

如果你喺馬鞍山搵高質又抵食嘅日式料理, 嚟到mos town三期呢邊匠山係一個好選擇~ 呢度嘅午市套餐幾抵食 - 多數都係$100左近, 例如日式鰻魚便當, 套餐又配埋漬物同湯～ 鰻魚醬汁甜身, 撈埋返食好滿足～ 唔想食咁多澱粉質嘅話呢度又係居酒屋咁有好多其他選擇, 有串燒例如雞軟骨棒, 配蛋汁永遠冇得輸😬 估唔到仲有章魚燒, 外脆內軟熱辣辣, 仲有好多其他燒物小食可以試～ 壽司方面, 火炙左口魚裙邊係唔食生嘢嘅我都接受到嘅程度🤪 輕輕炙燒過後, 超強油脂香氣, 入口即溶再加少少醬油提升鮮味～ 食魚生嘅朋友又可以試佢嘅油甘魚壽司同其他定期日本直送刺身供應～ 整體嚟講, 匠山係一間性價比極高嘅日式餐廳, 食物水準唔錯, 價錢又親民, 絕對值得一試！