龍亭

• 入門廚師發辦套餐 $588/位前菜係菠蘿沙律，簡簡單單開下胃先～套餐中每人可以自選兩款海鮮，我同朋友就分別揀咗鮑魚、帶子、扇貝同白鱔。鮑魚用上南非孔雀鮑，口感彈牙，加上蒜蓉去調味，增添惹味嘅感覺。四款當中個人就比較鍾意帶子，夠厚肉，輕輕煎一煎，唔需要太多調味已經唔錯。而扇貝就比較細粒，配搭咗黑松露醬同牛油，相較之下感覺帶子抵食一啲。白鱔魚味香濃，外皮就微脆唔算太Crispy😉肉類方面，我哋揀咗澳洲牛柳粒同日本宮城縣雞排。前者肉質都幾鬆軟，但牛味就偏淡啲，可以配以蒜片、山葵或者竹炭鹽一齊食。後者都幾大份，食落啖啖肉，雞味幾重，唔會有任何雪藏味。食完肉仲有個鐵板炒飯，食埋都幾飽肚！甜品就揀咗日本豆腐雪糕同紅酒燉雪梨各一。雪糕配上紅豆爆珠口感幾得意，至於燉雪梨對我嚟講就偏酸咗啲😗• 雪 本釀造 $84Size 一個人飲啱啱好，酒精感比較濃烈，唔算易入口，會推介比較鐘意飲辛口酒嘅人😌• 美人梅酒 $93呢款就啱女仔飲多啲，卡路里同糖質相對低，而且添加咗膠原蛋白，飲酒同時都可以養顏✨