老厝邊

營業中

休息中

呢間老厝邊喺荃灣廣場附近，佢成個門面同內面都好富有台灣店特色，佢有兩層，今日午市去食，超多人，要等位。“厝”既意思係房子，“老厝”即是老房子，“老厝邊”即是在老家旁邊。佢價錢好大眾化，lunch set都係$60-$80，所以都幾多學生哥黎食。佢有typical既牛肉麵，便當，蛋餅，肉燥飯，台式野飲嗰啲。我今日叫左： 🔸️起司肉鬆蛋餅（$40，9／10）抵食又好食。即叫即整熱辣辣，蛋餅個皮咬落煙煙靱靱，包住軟糯既半溶芝士同乾身肉鬆，好有層次又好好味，佢仲可以點一個咸咸甜甜既sauce，好味！ 🔸️大腸麵線（小）（$34，8.3／10）湯底呈糊狀，掛哂啲湯喺麵線上面，食落好滑。好有地道風味。 🔸️古早味冬瓜茶 （$18，8.6／10）呢個古早味冬瓜茶飲落甜甜地又好清潤感覺，唔錯。