影片
更多
2020-11-29
4662 瀏覽
唔少酒店嘅自助餐都推出唔少優惠或綽頭嚟吸客，引起一番食自助餐嘅熱潮😍 有啲出名嘅都好難book到位，而且價錢都一返咁上下，對於一班小資朋友們會有啲卻步~ 今次介紹嘅依間自助餐竟然用優惠價六折就食到($398/1位 *星期一至四&日*，$412/1位 *星期五，六及公眾假期及前夕) 即係話平日夜晚嚟食唔洗$400就嘆到龍蝦同各款海鮮🤩 性價比爆燈啊！-<前菜> •冰鎮海鮮及刺身區🦐: 大家最期待嘅區域！款式唔算話好多，但主要嘅款都有，包括左蟹腳，青口，蝦同蟹。蟹腳鮮甜，肉質唔會鬆散，唔錯~ 刺身就預先切好，有三款左右，🍔去個日就冇呑拿魚，但三文魚就一定會有，refill速度幾快•沙律吧🥗: 有超過三十款嘅配料，特別啲例如雅枝竹，羽衣甘藍依啲superfood 都有，充滿驚喜•芝士& Cold Cut: 芝士預先切好左bite size，三款可以選擇！Ham就有兩款，Parma ham夠鹹香，油脂方面可以再多啲，旁邊仲有原隻風乾火腿比你欣賞🤣*<主菜> •炭燒新鮮波士頓龍蝦🦞: 每位可獲半隻，面層鋪左啲芝士忌廉醬，入口有非常明顯嘅炭香，肉質就可惜唔多結實同彈
-
<前菜>
•冰鎮海鮮及刺身區🦐: 大家最期待嘅區域！款式唔算話好多，但主要嘅款都有，包括左蟹腳，青口，蝦同蟹。蟹腳鮮甜，肉質唔會鬆散，唔錯~ 刺身就預先切好，有三款左右，🍔去個日就冇呑拿魚，但三文魚就一定會有，refill速度幾快
•沙律吧🥗: 有超過三十款嘅配料，特別啲例如雅枝竹，羽衣甘藍依啲superfood 都有，充滿驚喜
•芝士& Cold Cut: 芝士預先切好左bite size，三款可以選擇！Ham就有兩款，Parma ham夠鹹香，油脂方面可以再多啲，旁邊仲有原隻風乾火腿比你欣賞🤣
*
<主菜>
•炭燒新鮮波士頓龍蝦🦞: 每位可獲半隻，面層鋪左啲芝士忌廉醬，入口有非常明顯嘅炭香，肉質就可惜唔多結實同彈牙~ 但鮮味係有嘅~
•即切肉類: 食肉獸最愛嘅corner 🥩 當日有牛肉眼同豬柳。肉眼顏色非常粉嫩，食落軟淋多肉汁，唯一係唔係好濃肉味。豬就稍微乾身左少少。羊架就係熟食區，偏熟左啲，但唔會太酥
•意粉live station 👨🏻🍳: 唔係平時嘅湯粉麵區，依到變左即煮意粉！唔好醬汁同海鮮配料比你配搭！推介龍蝦汁意粉，仲會有龍蝦肉，意粉彈牙有咬口，size啱啱好唔會太多
•意式燒乳豬🐷: 食到一半會有人搖鈴鈴話你知有新嘢出，係全隻乳豬超壯觀！比大家打完卡後就會即切然後分發去每一枱，唔洗爭，坐底等就ok~~
*
<甜品>
•movenpick🍨: 一定唔可以錯過依個回本位啦！當日有三款口味，雲呢拿，士多啤梨同朱古力🍫 獨立盒裝超方便，輕鬆食多幾杯都仲得
•即製窩夫機
-
總括: 就算多人都唔洗排隊去攞嘢乜濟。飲品方面得茶同咖啡比較少選擇，但可以加$108任飲紅，白酒及汽水。環境坐得舒適有風景位
張貼
