為食恐龍‧恐龍先生

營業中

休息中

好多小朋友都好鍾意恐龍，最近發現有一間尖沙咀的為食恐龍‧恐龍先生，就帶咗外甥女去食飯。食物未到小朋友又會悶，所以呢度超級多玩具，又有小朋友最鍾意嘅恐龍，每個玩具玩兩分鐘又可以換第二個玩具。今日揀咗小朋友會食嘅西西里肉醬意粉、蜜糖烤雞pizza，有雞肉、雜菌、番茄、芝士。另外恐龍仔仔兒童餐就啱晒小朋友食，有意粉、炸雞、水果、蛋糕、賓治、仲有一件小玩具送。輕食沙律有好多蔬菜，酸酸甜甜，飲品叫了蘋果梳打，甜甜地都係小朋友最鍾意飲嘅飲品。重頭戲當然係甜品，杏仁牛角窩夫雪糕及朱古力味白堊紀熔岩火山，兩款甜品都真係好好食，窩夫有少少脆口，暖暖地配上雪糕好好味😋朱古力熔岩火山，啲朱古力cream滲入麵包連大人都好鍾意。