為食恐龍‧恐龍先生

同小朋友去咗尖沙咀呢間恐龍親子餐廳，幾百蚊玩足幾個鐘，4個人嘅野食擺滿哂成張枱，仲有各種兒童遊樂區，家長可以解放雙手有餐安樂茶飯食下！美食 - 🥩 烤牛肋扒扒肉軟腍到唔使費力咬，老人家同小朋友都食得超輕鬆，仲配埋薯條同配菜，一set超滿足～- 🦕 恐龍餐廳大拼盤小朋友最愛嘅拼盤！入面有洋蔥圈、芝士條、薯角、炸雞翼、香腸，樣樣都係經典小食，選擇多到眼花～- 🍚 吞拿魚海鮮意大利飯飯粒吸滿鮮味，吞拿魚同海鮮料超足，口感綿密又惹味～- 🥗 煙三文魚沙律三文魚鮮嫩，沙律菜爽脆，醬汁調得岩岩好，開胃又健康～- 🍕 蜜糖烤雞披薩餅皮超香脆，入面嘅雞肉juicy到爆，仲一啲都唔熱氣，呢個真係必點！👍- 🍫 凍朱古力濃郁絲滑，朱古力味超醇厚，唔會太甜膩，小朋友超鍾意～- 🍹 招牌水果茶入面有新鮮水果，茶味香又清新，解膩一流，大人細路都岩飲～~最後仲有雪糕，比小朋友揀最愛嘅口咪，仲會因應唔同小朋友有相對嘅小配飾 環境&遊樂區 - 🌈 整體環境餐廳以恐龍為主題，裝飾超有童趣，打卡影相都超靚，大人小朋友都會鍾意～- 🧸 玩具遊樂區專門設置適合1-12歲小朋友嘅遊樂區，仲分咗三個區域：- 🕹️ 電玩區：有多款兒童電玩機，超吸引小朋友注意力～- 🧩 玩具區：擺滿各類益智玩具、恐龍模型，滿足小朋友嘅探索欲～- 🎲 桌游區：有不同種類嘅兒童桌游，適合親子互動或者小朋友結伴玩～- 🎂 生日會區仲設有專門嘅生日會區域，布置得超有儀式感，小朋友過生日嘅話超適合，氛圍感拉滿～ …查看更多

#尖沙咀地膽 今次約埋蜜去恐龍先生玩味餐廳，一邊玩Boardgame一邊鋸扒，等上菜或者食完飯都可以玩吓，幾適合朋友聚會。環境都幾舒服，唔會太嘈, 而且食物質素唔錯，價錢合理! 🐚 白酒忌廉青青口 $88擺盤好靚, 青口size都幾大隻， 忌廉汁幾香滑，白酒味唔會太濃! 🐟 香煎石班角 配牛肉卷 $138魚皮煎得香脆，魚肉都幾滑溜，牛肉卷幾有驚喜，入面啲芝士同牛肉幾夾! 🥩 戴安娜牛扒 配薯蓉 $13牛扒煮得剛好，肉質幾嫩，蘑菇醬味道傳統得嚟幾香，薯蓉打得幼滑好好味! 🦑 香脆魷魚圈 $65 炸得黃金香脆，魷魚口感彈牙，點少少醬汁更滋味! 🍦雪糕窩夫 $42即叫即整，窩夫口感鬆軟，配搭雲呢拿雪糕大滿足! 🌴 恐龍樂園水果賓治 $35 清新嘅水果味唔會太甜，適合而家咁熱嘅天氣☕ 薄荷朱古力 $28 朱古力味香濃，薄荷味輕輕哋，凍飲幾爽! 為食恐龍‧恐龍先生📍 尖沙咀厚福街8號H8 2樓…查看更多

「為食恐龍‧恐龍先生」這間餐廳，從踏入門口的恐龍裝飾，到牆上的史前壁畫，都成功抓住了大人小孩的目光。餐廳巧妙地將玩味主題與家常味道結合，提供了一個讓家庭成員都能放鬆的空間。餐點選擇上，從適合分享的小吃拼盤到孩子們喜歡的繽紛飲品，再到大人可享受的牛扒主食，整體設計相當用心。**恐龍樂園水果賓治** 作為餐廳的特色主題飲品，這杯水果賓治酸甜度平衡得剛好，不會過於甜膩，非常適合悶熱的天氣，小朋友尤其喜歡。**蜜桃牛油果蝦肉輕食沙律** 這道沙律的組合非常清新開胃。牛油果的綿密、鮮蝦的爽彈，配上蜜桃的微甜，口感層次豐富，作為餐前開胃或搭配主菜都很合適。**戴安娜牛扒 配薯蓉** 牛扒的火候控制得不錯，肉質保持了嫩滑的口感。搭配的傳統蘑菇醬（戴安娜醬）風味濃郁，帶有蘑菇的香氣。旁邊的薯蓉質地幼滑，奶香十足，與牛扒和醬汁都很搭。**香煎石斑魚 配牛肉卷** 這道菜頗有驚喜。石斑魚皮煎得金黃香脆，魚肉保持了應有的鮮嫩。旁邊搭配的牛肉卷，內餡的芝士與牛肉味道很融合，為這道菜增添了不一樣的風味。**三色味雞翼** 這道小食擺盤吸睛，能同時滿足不同口味。其中以蜜糖口味最為經典，甜香滋味讓大人小孩都忍不住吮指回味。**招牌水果茶** 水果茶用料豐富，能喝到真實的水果風味，而非單一的糖漿甜味。飲用前建議將水果與茶湯拌勻，風味更佳。享用完畢後，打開杯蓋吃裡面的鮮果也是一種樂趣。**牛肉卷** 作為主菜的配菜或單點小食，牛肉卷的表現令人滿意。外層的肉片包裹緊實，內餡調味得宜，口感紮實有滿足感。**提拉米蘇** 作為餐後甜點，這道提拉米蘇平衡了咖啡酒香、奶酪的滑順和可可粉的微苦。雖然不是餐廳主打，但能提供經典的意式甜品，為一餐畫上完美的句號。### 💎 整體評價這家親子餐廳在環境佈置與食物質素之間取得了不錯的平衡。食物方面，無論是主題飲品、小食還是主菜，都展現出一定的用心，並非虛有其表。用餐期間，孩子們被充滿童趣的環境吸引，大人也能享受一段不錯的用餐時光，整體氛圍舒服，不會過於嘈雜。如果你想帶家人去嘗試，這家餐廳是個不錯的選擇。建議可以提前預約，並詢問是否有適合兒童的特別套餐或活動，讓用餐體驗更為豐富。這間餐廳也不少親子玩樂的遊戲可供大家自由地遊玩.…查看更多

被隱藏的高性價比餐廳平日都有午餐套餐供應‼️ 午餐套餐由$58起，包主食和飲品，坐得舒服唔洗同人迫餐廳內有街機、射籃、多款恐龍玩具及遊戲，讓您在享用美食的同時，還能與家人朋友一起遊玩黑松露意大利飯意大利飯軟硬適中，不會偏硬，充滿松露香味，入口香濃濕潤蜜糖烤雞pizza pizza係薄脆底，雞肉加菠蘿酸甜口感很開胃🍍香草檸檬烤雞腿招牌菜推介，烤雞腿肉質鮮嫩，香草檸檬汁好juicy，搭配薯仔和紅蘿蔔等🥕健康又美味 🍗巴瑪火腿意粉沙律健康又清新嘅沙律，加入了長意粉更美味🍹招牌水果茶充滿水果，好fresh 🍹恐龍樂園水果賓治甜度適中，適合小朋友飲全部都配有恐龍造型搞搞棒🍦雪糕窩夫 🧇窩夫入口鬆軟，配搭雲呢拿雪糕大滿足😌🎂 為慶祝生日的提供免費的生日佈置…查看更多

終於考完試，可以好好放鬆一下了🍽️今日帶小朋友去尖沙咀一間親子餐廳🦖店舖門口擺放兩隻大恐龍公仔，即刻影相打卡📸餐廳內仲有大量玩具，夾公仔機、街機同籃球🥹，真係小朋友天堂😊餐廳仲好細心，準備左恐龍造型餐具🍽️今餐飯真係最安靜既一餐😅🥩安格斯肉眼黑椒意粉 六成熟，肉質鮮嫩，黑椒醬香濃，微微辛辣感🌶️🍕煙三文魚披薩 上面煙三文魚鮮美柔滑🍣搭配香濃白汁同融化芝士🧀豐富層次感，清香芝麻菜增添口感🌿🐖招牌德式脆皮鹹豬手 外皮酥脆，咬落去肉質鮮美多汁🍖搭配德式酸椰菜酸味，中和肉既油膩感🧇杏仁牛角窩夫雪糕 牛角窩夫外酥內軟🥐與香濃杏仁雪糕🍦互相搭配，口感層次豐富🍱恐龍仔仔兒童餐白汁磨菇意粉、炸物🍟水果🍎蛋糕🍰仲有奇趣玩具🎁🥤雜果賓治夏天必飲茶飲🍹酸甜清爽，仲有菠蘿，什果為食恐龍・恐龍先生 📍尖沙咀厚福街8號H8 2樓#為食恐龍 #恐龍先生 #Yummydino #尖沙咀 #ifoodie #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig…查看更多

👧🏻😋👅🍽✨值得更多人認識：平靚正儀式感餐廳❣️-🦖 厚福街以恐龍同遊戲做主題嘅樓上餐廳，午餐$58起包堅果雜菜沙律、主食同飲品，小朋友免入場費亦冇最低消費🦖 慶生會免費送生日佈置，撞正生日正日係平日，仲會送泡芙塔生日蛋糕 🎂 🦖 遊戲方面，街機、射籃、保存得好好嘅懷舊小遊戲，有得玩又有得食，我稱佢為namco放題🤭▪️主菜🥩 Dino Ribs 恐龍牛肋骨配薯菜 $328 肋肉腍滑帶軟筋，份量十足，加上汁燒蘑菇同蕃茄仔更有層次🍝 香煎法式鵝肝意粉 （午餐） $118 鵝肝大大塊厚身油香，黑松露忌廉汁軟滑香濃▫️飲品 （升級價）🍹 健康多莓果茶 $12 可揀走甜，飲落似山渣水清新又開胃☕️ 榛子朱古力 $12 有簡單拉花，朱古力香濃帶榛子醬甜味▪️甜品🧁 抹茶白堊紀熔岩火山 $38 抹茶奶蓋香滑唔會太甜，覆蓋酥脆pastry🥐 杏仁牛角雪糕窩夫 $42 牛角窩夫比lava更脆，食到多層口感，配雪糕再淋上朱古力焦糖漿邪惡又好食▫️恐龍仔仔兒童餐 $85🧩 有忌廉意粉、炸物、蛋糕仔、水果、雜果賓治，仲送精美恐龍玩具一份，超級滿足…查看更多

尖沙咀有一間被誤會為只有親子餐廳的Cafe名為「為食恐龍‧恐龍先生」，事實上有好多boardgame玩、有得打機、仲有得揸車，絕對適合年輕人聚會和聚餐！蜜糖芥末火腿三明治麵包鬆軟，夾著粉嫩火腿與新鮮生菜，蜜糖芥末醬調和出甜辣風味，一啖咬落去充滿層次豐富，作為餐食小食很不錯。香草檸檬烤雞腿雞腿外皮烤到金黃色，香草跟檸檬非常夾，雞肉嫩又爆汁，好juicy 。搭配瓜、薯仔、紅蘿蔔，烤過後吸收咗雞腿肉香，味道濃郁又健康，食得好滿足！小食拼盤有多種選擇，西西里肉醬意粉香濃多汁的肉醬，意粉夠彈牙，讓人回味無窮！恐龍仔仔兒童餐擺盤好得意，有卡邦尼意粉、炸蝦、水果、蛋糕，呀仔食得好開心，仲有杯賓治飲，最後仲有小禮物送👍🏻白堊紀熔岩火山朱古力味窩夫，即叫即整，口感鬆軟，朱古力味濃郁！飲品高質，點了兩杯凍飲，白桃梳打和凍抹茶都很高質！…查看更多

尋晚啱啱同屋企人，又老又中又細，一齊去呢間餐廳慶祝小朋友生日，之前係咁意過啲食評，同埋啲環境嘅相片，都唔係有太多期望，諗住都係一間普普通通嘅親子餐廳，食物都應該係一般水準就算㗎啦，點知大大超出期望，之前打電話confirm嘅時候，已經覺得服務非常優質，有求必應，而且親切友善，當晚更加發現佢哋講得出做得到，不但為小朋友佈置好一張長枱，仲有埋佢生日歲數嘅大氣球，枱面上再擺咗好多氣球同埋裝飾嘅物品，又有Happy birthday嘅眼鏡，又有生日帽，仲有好多蠟燭、燈牌諸如此類嘅裝飾品，令到成張枱成為好好嘅打卡點，我哋都影咗好多靚相！而且餐廳地方好寬敞，老細亦都非常之有人情味，隔離張長枱啱啱嗰晚冇人用，佢完全唔介意我哋將好多嘅禮物同埋小裝飾放咗喺隔籬枱旁邊，仲非常之熱情友善咁樣招待我哋，令我哋賓至如歸，大人細路都好開心！現場仲有好多好好玩嘅遊戲，唔同年齡都啱，細嘅有好多適合幼兒嘅玩具，又有好多書籍係適合比較大嘅小朋友，最驚喜係有PS4 遊戲機，又有街頭霸王遊戲機，細啲嘅小朋友就有射籃遊戲同埋彈珠遊戲＇而且現場仲有好多恐龍模型，老闆話原來係佢個仔嘅至愛，唔怪得成家人都係好有熱情咁樣經營呢間恐龍餐廳。食物亦都非常超水準，我哋點嘅豬手，小食拼盤，蘑菇湯，意大利粉，西班牙海鮮飯，沙律，燒雞等等，都係熱辣辣上枱，色香味俱全，飲品亦好有水準，至於甜品更加係一個完美句號。總括而言，呢間餐廳非常值得再去，亦都好值得推薦比其他人，價錢唔貴，服務一流，食物超水準，環境簡直係超乎想像咁好，值得一讚再讚。…查看更多

食物不錯，甜品窩夫雪糕好好食！一大班朋友收工gather，坐得舒服，傾成晚都唔趕住嘅好餐廳！老闆好nice!👍👍👍係同一大班朋友食飯嘅好地方👍會再來！🥰…查看更多

第二次嚟呢度同小朋友生日，已有哂生日佈置唔使煩。嘢食有薄餅，意粉，意大利飯，小食，烤雞，豬手，甜品等等，大人細路都啱食。生日小朋友仲有隻公仔送。仲有各款玩具，boardgame同電子遊戲機玩，大家都玩到唔捨得走。…查看更多

服務態度差等咗好耐先可以落單落完單要等好耐先有嘢食中間出去玩玩具啲玩具又壞又污糟個夾公仔機完全冇力水bar唔開燈餐廳環境裝修好差唔明點解H8會租呢個相俾佢哋又叫我哋去參加佢嘅會員制之後就話會取消我哋OpenRice 嘅訂座紀錄…查看更多

去到尖沙咀帶小朋友食飯，就梗係要去啲親子餐廳啦厚福街一上到去就發現到呢間恐龍餐廳，上邊啲佈置係全部都恐龍嚟㗎，咁啱有人準備開生日會，佢仲可以免費佈置得好靚㗎🥰佢有好多board game ，又有遊戲機射籃球都好適合大人玩，當然啦，仲有好多啱小朋友玩嘅遊戲嘢食方便都唔使擔心，我哋今次嗌咗一個豬手拼盤，有燒大蝦，燒菠蘿，仲有幾款燒腸仔，個豬手個皮好脆啱啱好唔太鹹，炸薯角大人小朋友都啱食仲有兒童餐，有個白汁意粉炸魚薯條，仲有少少生果夠晒健康👍🏼佢有好多嘢飲都好特別，可以一路玩一路飲，仲要唔限時真係聚會嘅好地方…查看更多

前排同幾個朋友帶埋啲小朋友一齊去咗呢一間餐廳，發現呢度真係有驚喜，店舖入邊嘅環境都好大，餐廳以恐龍做主題，有唔同嘅恐龍模型同埋有好多種類嘅玩具，再加上有小朋友啱睇嘅書籍仲有遊戲機，直頭係開party嘅好地方。餐廳嘅嘢食都幾好，我哋嗌咗幾樣嘢，差唔多都有驚喜，特別係佢個西班牙海鮮飯同埋安格斯意粉，真係加分，其他食物都好唔錯，至少我哋食晒冇留底，清碟。仲有悉心照顧小朋友嘅恐龍兒童餐。小朋友食飽之後去咗玩遊戲打機，眼見有其他嘅家長成員陪同小朋友一齊睇吓圖書，玩吓益智遊戲，感覺都好溫馨。最重要嘅係，餐廳仲有彈珠機玩，一有小朋友玩嗰陣時，成班小朋友一齊就擁晒過嚟，玩得好盡興。個人認為呢度如果要舉行家庭聚會的話或者舉辦小朋友生日會的話，係一個唔錯嘅選擇，又有啱大人食嘅嘢，亦都有啱小朋友食同玩嘅嘢，真係可以玩足一日。…查看更多

朋友帶我哋去咗尖沙咀一個恐龍主題親子餐廳，呢度充滿驚喜同歡樂！一入到餐廳，哇，成個空間都係恐龍主題，牆上、枱上到處都係恐龍擺設，連餐具都係恐龍造型，超可愛！仲有兩隻恐龍公仔喺門口同你say hello，超有氣氛！小朋友一見到已經興奮到飛起，大人都忍唔住影相打卡！呢度真是一個親子天堂！除咗恐龍裝飾，餐廳仲有好多玩意：賽車機、籃球機、街機、夾公仔機、彈珠機，樣樣齊全，滿枱都係玩具，小朋友玩到唔捨得走！仲有board game畀大人hea玩，無論大人細路都啱晒！如果想幫小朋友搞生日會，呢度絕對係一個好選擇，氣氛同設施都好適合！霸王龍小食拼盤 ($148)：炸雞翼、薯條、洋蔥圈一應俱全，外脆內軟，適合一班人share！招牌西班牙海鮮飯（細）($188)飯粒吸晒醬汁精華，濃而不膩，份量啱晒2-3人share！夏威夷比薩 ($98)菠蘿同火腿嘅經典組合，芝士拉絲好邪惡！不得不提，入面有兒童餐 ($85)有意粉、炸物、水果、蛋糕、賓治同一個超可愛嘅恐龍玩具！啱晒小朋友嘅胃口。今次我哋一行5人點咗唔少飲品同菜式，總消費$844，價錢親民，食物份量夠，味道又唔錯，環境又好有特色，玩樂設施仲要多到唔想走！性價比真心唔錯！啱晒輕鬆聚會！「為食恐龍餐廳Mr Dino」真是一個大人細路都玩得開心嘅地方！食物選擇多，味道親民又唔失水準，環境充滿童趣，仲有唔少玩樂設施，無論大人定小朋友都玩得開心！絕對係親子聚會嘅好去處！如果你想搵個地方同屋企人或朋友輕鬆聚會，又食又玩，呢度真心推介！快啲去同恐龍們一齊開餐啦！🦖…查看更多

朋友個仔話帶我去睇恐龍😵？！原來係恐龍主題親子西餐廳~🦖恐龍迷千祈唔好錯過呀！**食物方面**🍽️ 叫咗霸王龍小食拼盤、夏威夷pizza、安格斯肉眼黑椒意粉、西班牙海鮮飯同恐龍兒童餐，蕃茄肉丸長通粉，樣樣都夠大份！ 👉 **安格斯肉眼黑椒意粉** 意粉好滑，夠入味，牛肉嫩口，大人食啱哂～ 👉 **西班牙海鮮飯** 好足料，蝦、青口、蜆鋪滿面，飯底吸滿湯汁好正！ 👉 **Pizza** 係薄脆底，芝士拉絲，小朋友搶住食😂 👉 **兒童餐** 用恐龍碟裝住，飲品係雜果賓治，仲有恐龍裝飾，造型得意，細路仔見到好開心！ 小食拼盤有齊炸雞粒、雞翼、薯條、薯角、洋蔥圈、魷魚圈，咩都試到少少，夠哂香口卜卜脆～ **玩樂方面**🦖 一入門口就有兩隻大恐龍公仔，打卡一流！ 👉 最正係 **彈珠機**，燈光閃閃，小朋友玩到唔肯走～ 👉 仲有 **電子遊戲機**，兩個小學雞可以一齊玩唔使爭，好多內置遊戲，完全唔擔心佢哋會悶！ 👉 周圍都係恐龍公仔,圖書,玩具，連餐具都係恐龍款，細節滿分！ **總結** 食物質素OK，玩樂設施夠多，仲可以搞生日會，又有埋佈置裝飾，店員仲好有善，抵讚👍…查看更多