老荔冰室

營業中

休息中

港式懷舊茶餐廳推介😋我哋係上網見到有間好啱打卡嘅冰室話說我個仔嘅「老土」造型幾受歡迎喎一於Old Fashion打扮去食 『老荔』，近期熱爆嘅懷舊經典啊！我哋14:30一家大細去下午茶，已經出現人龍，皆因佢有特色有氣氛，而且價錢合理，吸引不同年齡層嘅需要。主食：滑蛋叉燒飯，蛋好滑身creamy配半肥瘦叉燒👍🏼沙嗲牛肉煎雙蛋公仔麵，男人的浪漫😙沙嗲岀色呀，唔會太鹹太膩。甜品：金沙朱古力流心西多士，好有層次感嘅港式甜品。午餐肉炒蛋熱香餅漢堡，中西合璧，同日本連鎖快餐店嗰款有啲似，但件熱香餅就唔止剩係底面有，中間都有，正呀！飲品：阿華田脆脆火山🌋有驚喜爆炸震撼性嘅飲品！椰汁紅豆冰🫘 椰汁同紅豆比例各一半，好滿足😌！另外仲飲左雜果賓治，其實為咗打卡而叫嚟試吓😂金牌奶茶少甜 OT 檸檬茶走甜，呢兩杯都係茶記必點經典。