丼造

營業中

休息中

店舖地理位置佳，鄰近上環站，細細間感覺舒適溫馨。店員友善、態度好，非常細心，聽到我partner肚唔舒服，主動推介熟食。食物質素高，價錢合理。每次嚟食完，都話會再返嚟食。 ✦ D19 極上嗚門丼刺身非常新鮮，有油甘魚海膽卷、炙燒左口魚、赤蝦、蟹膏等。特別左口魚油香濃郁，外微脆內綿密。同埋蟹膏質地厚滑、味道咸鮮，配搭蟹柳再多一重口感。非常推薦。 ✦ 燒三文魚扒份量大件。脂香強烈，啖啖肉、口感嫩滑豐潤、完全唔柴。 值得一提，佢哋嘅魚湯做得好有心機，味道鮮香、感覺好多骨膠原。