影片
更多
2025-04-22
0 瀏覽
認識蘇山係因為有個 youtuber 大聲讚頌，話超好食，點樣點樣勁。所以今日雖然烈日當空行到去都好大汗 ，都敵唔過我啲為食肚蟲， 其實由荔枝角地鐵站或者長沙灣站行去都唔會超過 15分鐘，所以慢慢行都係一種享受。去到排緊長龍，但因為疏導得快好快就 triage 咗 ，分咗一個兩個人 一張枱嘅 little table， 一定唔會投訴因為晏晝一點鐘點會 唔使逼呀 。叫咗兩份餐一個正常海南雞飯($75)， 一個 獅城走地雞 飯 ($78) 加十蚊 有排骨湯。啲飯正常嘅不過如果再多啲油香味我相信一定會打贏好多人， 跟餐叫咗一杯熱同一杯 凍嘅薏米水( + $3)； 薏米水其實冇乜味，薏米都唔算好食，不過佢杯有兩片檸檬你揸啲檸檬水落去就會好飲少少。兩種雞都算好食，三皇雞真係比較滑同埋香； 走地雞冇咁香但肉質好似瘦啲 ，啲皮就健康啲。跟餐正常湯我覺得 ok， 食完唔覺口渴應該冇落味精掛， 呢一個可以讚。另外嗰碗加咗十蚊嘅排骨， 話就話好似肉骨茶咁樣但係鹹死我啦， 可能有人鍾意㗎但係打死我都唔敢再試第二次。總括嚟講都算唔錯幾十蚊有個海南雞飯味道又唔差，不過就唔覺得好似 online 讚到上有地下冇
所以今日雖然烈日當空行到去都好大汗 ，都敵唔過我啲為食肚蟲， 其實由荔枝角地鐵站或者長沙灣站行去都唔會超過 15分鐘，所以慢慢行都係一種享受。
去到排緊長龍，但因為疏導得快好快就 triage 咗 ，分咗一個兩個人 一張枱嘅 little table， 一定唔會投訴因為晏晝一點鐘點會 唔使逼呀 。
叫咗兩份餐一個正常海南雞飯($75)， 一個 獅城走地雞 飯 ($78) 加十蚊 有排骨湯。
啲飯正常嘅不過如果再多啲油香味我相信一定會打贏好多人， 跟餐叫咗一杯熱同一杯 凍嘅薏米水( + $3)； 薏米水其實冇乜味，薏米都唔算好食，不過佢杯有兩片檸檬你揸啲檸檬水落去就會好飲少少。
兩種雞都算好食，三皇雞真係比較滑同埋香； 走地雞冇咁香但肉質好似瘦啲 ，啲皮就健康啲。
跟餐正常湯我覺得 ok， 食完唔覺口渴應該冇落味精掛， 呢一個可以讚。
另外嗰碗加咗十蚊嘅排骨， 話就話好似肉骨茶咁樣但係鹹死我啦， 可能有人鍾意㗎但係打死我都唔敢再試第二次。
總括嚟講都算唔錯幾十蚊有個海南雞飯味道又唔差，不過就唔覺得好似 online 讚到上有地下冇囉。
其實都算唔錯㗎
張貼
