周記油渣麵 (已結業)

同朋友傾開計講起豬油渣麵，佢話深水埗有一間好好食，搞到我突然間好想試吓豬油渣麵，因為我從未食過，所以決定放工去試一次。一推門入店，就比佢嘅裝修吸引住，兩邊牆上都畫上舊區舊樓的的寫樣貌，另外再畫上大大的街牌，寫住深水埗、福榮街、周記幾個街牌，好吸晴。我哋叫了一碗豬油渣麵另每加一樣配料就加$12，我加咗炸韭菜餃同埋豬潤，期待已久的豬油渣麵一上枱香氣撲鼻，而且分量超多，急不及待先飲一啖豬潤湯，清甜而帶有濃濃的豬膶味，而豬潤就爽口彈牙，食落完全不會死實好好好味，跟住就試這店招牌菜，豬油渣切得好大塊而且炸完之後再煮，軟林林完全唔係我心目中想食的豬油渣，所以一件起一件止沒有什麼可以評價！而另一碗係魚肉韭菜豬肉餃同椰菜豬肉餃麵，魚肉太削而且多骨，口感一般般，反而自家製韭菜餃非常之好味呀，一啖咬落去有爆漿的感覺，湯汁豐盈，而椰菜爽脆加豬肉同包鮮甜美味好正。店家很細心，每張枱面都放有切碎的蔥花、辣椒油、辣椒菜脯同冬菜，隨自己的口味添加，值得加分。