周記油渣麵 (已結業)

呢一間周記油渣麵，我可以講係由細細個食到大大個。記得細細個第一次嚟呢度食嘅豬油渣，絕對係驚為天人，有一陣獨有嘅香氣，食落去有濃郁嘅肉味。總而言之，覺得係人間極品都唔算過份。由「多渣」，食到「大淨渣」，到有一段時間唔賣「淨渣」，再之後「淨渣」無分大細。只可以講食物質素一年不如一次年，雖然鋪面經過裝修之後企理咗，同埋乾淨咗。但係啲豬油渣都已經去唔返之前嗰種嘅美味。今次我簡簡單單淨係叫咗碗「多渣」，我老老實實咁講，雖然食唔返之前嗰種嘅美味，但係絕對比起其他有賣豬油渣嘅餐廳好食好多。希望可以快啲食得返之前嗰種美味啦…查看更多

我吃了這間店已經超過了二十年，味道越來越差，湯底没有味，現在魚露和胡椒粉也不供應，油渣十分硬和没有味道，又貴，這個價格已經可以去米芝蓮推介店吃麵， 態度越來越差，我永遠也不去了，再見…查看更多

一打開個飯盒真係嚇親我！得果幾條薯條係度！唔知仲以為食剩！42蚊啊！我網上外賣平台叫左42蚊！就算扣抽傭都唔會比到咁少薯條啊？！M記24蚊一個餐都有盒薯條🍟啦！依度剩係少到誇張！其他茶記25-30揾薯條餐都唔知咁少薯條啦！會唔會太過分啊？！我都唔明點解比到咁孤寒，d薯條成本好貴？？？我估依d薯條1kg都30-40咋？？？？？當你收我30蚊餐，比200g薯條我唔過分啊？網上購買平台賣進口急凍薯條都係35蚊1kg咋！你仲貴過進口薯條啊！…查看更多

叫碗招牌油渣麵$43，嚟到似清水加麵加少量油渣咁，完全無味，唯有落多D菜圃，至食多少少，$43食D咁啲嘢，頂住度氣啦！員工態度又差，差D以為唔使比$嚟試食添😡…查看更多

為何深宵總是餓 🫠🫠🫠🫠好彩係住喺深水埗區夜晚肚餓都唔驚想食宵夜，但係又唔想太飽🫣🫣油渣麵都係一個選擇🥸周記油渣麵翻新過之後感覺就真係乾淨好多👍買咗個油渣麵返屋企食油渣麵用上海粗面嚟煮每次食都覺得好彈牙加埋豬油渣同埋辣菜脯個人覺得香得黎又有層次配料亦夠多♥️♥️每一啖都有唔同既配料同粉條十分搭配而我最鍾意就係可以拎返屋企一路食，一路睇戲再配埋枝ginger ale一齊飲簡直就係爽呀！！！…查看更多

去到深水埗，一定會心思思想食深水埗名物。周記油渣麵由車仔檔做到開舖頭，幾年前裝修過，換上深色中國風木枱櫈。其中一堵牆畫上一幅大牆畫，畫出咗周記油渣麵嘅故事，好有趣，顏色鮮艷搶眼。#招牌油渣麵 (細) $43有大碗同細碗選擇，叫咗碗細油渣麵，但都算大碗。油渣算大條，選用半肥瘦五花腩，炸得乾身唔油膩，食落口滲出豬油香。湯底熱辣辣，食咗大半碗仲依然保持溫度。上海粗麵一直都係煮得偏硬身，唔算煙韌，總覺得每次食油渣麵嘅麵質都係呢種質地。辣頭菜都係拿手本領，多年來都係自己炒，任落唔嬲。我自行加咗辣頭菜、梅菜、蔥花同埋辣椒油，加到成碗都滿晒，好惹味。#生滾牛肉麵 $42採用新鮮牛肉，煮得熟度剛好，鮮味有咬口，生滾會令牛肉精華滾晒入啲湯度，令湯底更有牛味，但味道較清淡，加幾羹辣頭菜、蔥花，香辣又惹味，飲啖玻璃樽裝可樂，爽呀！#周記油渣麵地址：深水埗福榮街111-113號地舖…查看更多

食物差咗好多,水餃個湯鹹到苦服務態度又勁差伙記態度又差又惡惡到好似想食人咁買外賣攞包菜脯又話落單要講明諗住自己落啲菜譜夥記即刻撲出時嚟眼掘掘話而家攞緊畀你囉去買外賣好似乞食咁以後打死都唔再去…查看更多

只係嗌左簡單一份油渣麵🙈$43蚊💸💸唯有係話佢份量好夠囉😂湯係非常夠熱辣口既 不過味道就冇乜🥲係一個味精湯既示範😂麵質入口幾淋… 都冇乜好分享😂😂配料方面 睇到幾驚喜 幾多款式！辣菜脯 唔辣菜脯 葱花 辣椒油我好期待佢既辣菜脯☺️賣相好吸引入口😑鹹到跳海…辣椒油😑唔夠香亦唔辣葱花😑乾到我以為攞左一星期總結😂中伏指數偏高😂性價比0員工表現驚喜，我懷疑嗌得一碗面唔嗌野飲得罪左佢🥲入面仲熱到喊出嚟😂大家耐冇出汗 可以入去排一排汗😂…查看更多

嚟到深水埗舊區散步，一定要食返啲傳統美食啦！每次嚟到深水埗一定會嚟周記食返碗油渣麵過下引，因為而家製作傳統嘅油渣麵嘅店舖已經越來越少了！周記都係數一數二屹立左喺深水埗咁多年依然都咁好食嘅油渣麵鋪頭！今次來到見到佢重新裝修咗間舖頭，把間鋪一分為二，乾淨企理左👍牆上面呢仲畫滿咗好多深水埗嘅懷舊美食和舊時深水埗既場景，嗰種老香港懷舊情懷嘅感覺湧晒上嚟，真係好值得保留🥹周記油渣麵佢最出名既油渣係炸到好肥美，好似呢食緊豬大腸嘅口感一樣，好鬆軟，自問食過咁多間油渣麵佢呢個油渣係最肥美最香口嘅一間！真係好令人懷念，而佢個麵既質地就有少少似烏冬咁，就冇乜太特別，但係個湯頭呢都好鮮甜，清清地囉，主要都係來食佢個油渣囉！反而個面同個湯呢就冇乜特別，不過見到佢呢同以前有少少唔同，見佢加多咗好多唔同嘅菜式例如係牛肉麵等等，冇辦法啦要喺香港生存就係要識變通，多樣化嘅食物先可以吸引到新嘅客人，希望佢可以一路經營落去啦💕…查看更多

周記油渣麵係深水埗美食激戰區福榮街其中一間老字號，主打同區少有嘅當然就係油渣麵啦。😅好耐冇嚟過周記油渣麵，而家裝修咗做埋兩餸飯同埋多咗好多茶餐廳嘅嘢食。😊以前嚟周記就一定係食油渣麵，粗粗嘅麵條食落口滑得嚟煙煙韌韌。😋不過今次嚟係聽完一個食客講佢食完個仲正過維記嘅豬潤麵，食開維記潤牛麵嘅我聽到人哋咁樣講又點會唔專程嚟試一試。😂😂😂嚟到呢類型餐廳唔好要求有賣相，好食就得啦。粉麵湯底同以前一樣冇變一樣咁好食，不過個豬潤一食落口厚厚嘅好滑洗得好乾淨冇雜味，比起維記嗰個薄薄嘅豬潤真係兩個唔同風格。😋😋😋😋😋朋友真係冇介紹錯😁…查看更多

約咗朋友深水埗交收，見有d肚餓,於是佢帶咗我去佢爸爸細細個成日帶佢，同好出名既周記油渣麵:)因為我吾係好肚餓所以我哋嗌咗一碗生滾牛肉麵同埋滷水蛋拼豆腐滷水蛋拼豆腐：隻蛋有啲硬，其次豆腐唔係好入味可以再多少少滷水汁生滾牛肉麵：牛肉較嫩口，不過味道有啲淡，好彩有啲辣菜譜，䓤等調下味…查看更多

以前細個在深水埗街邊食油渣麵，到佢上左鋪頭，：周記油渣麵⋯換咗幾手以前都會心思思想食，但係知道對身體不好，唯有忍下手，今日突然想食，嚟到坐低⋯order多渣追加個牛肉豬膶湯，渣少唔緊要，湯唔熱麵硬硬，豬膶牛肉放埋落碗麵度⋯大佬！我本來想飲碗豬潤湯，都叫佢比碗豬潤細湯下，佢一碗一獲熟就算⋯服務員話追加係咁放埋一齊，以前心思思嘅油渣麵、豬膶湯一泡而空⋯唯一安慰嘅係以後唔會再心思思⋯身體一定健康…成50-60蚊食碗咁嘅野，唔怪之得旁邊嘅舖頭排晒隊⋯…查看更多

行行吓肚餓，就求其是但食碗麵🍜去左周記試下佢嘅招牌油渣麵(⁎⁍̴̛ᴗ⁍̴̛⁎)✨招牌油渣麵肥米唔太鍾意佢個麵底，上海粗麵都係唔做上海粗炒😂因為浸咗湯就好冧，有啲奇怪。( ´Д`)y━･~~肥米鍾意煙靭嘅麵，都係食返粗麵個啲好似好食啲😂😂✨炸餃子呢個有驚喜😆炸得啱啱好，唔會太硬，肉仲好軟👍🏻幾好食！餃子係正常size( ´▽` )ﾉ點埋甜酸醬真係幾好食。#周記油渣麵 📍深水埗福榮街111至113號…查看更多

友人約會，很久不見，逛街購物 吃吃來到深水埗區，美食頗多，選擇困難症😂「油記油渣麵店」好似未試過喎Let’s go 😊簡單裝潢，牆上畫，坐得舒服港式地道風味、中式麵、餃、手打魚肉、追加… 等等😊生滾豬潤麵 $40味道不錯，鮮味湯，滑滑麵，豬膶薄薄切片，效外油菜 $18嘩！似是原個生菜，大大個，份量足夠，嫩綠造型好靚，爽脆口感，可以點蠔油，增添滋味鹵水蛋拼豆腐 $28一隻蛋，切開兩邊，豆腐切片淡淡鹵水味，ok …查看更多

So much better compared to Wai Kee on the opposite of the street. The soup is light and tastes quite ginger. Customers can put in pickled radish to add flavor. The pork liver and noodles are cooked just right. Generous portion. Probably a bit too much for a girl's stomach lol.…查看更多