周記油渣麵 (已結業)

周記油渣麵係深水埗美食激戰區福榮街其中一間老字號，主打同區少有嘅當然就係油渣麵啦。😅好耐冇嚟過周記油渣麵，而家裝修咗做埋兩餸飯同埋多咗好多茶餐廳嘅嘢食。😊以前嚟周記就一定係食油渣麵，粗粗嘅麵條食落口滑得嚟煙煙韌韌。😋不過今次嚟係聽完一個食客講佢食完個仲正過維記嘅豬潤麵，食開維記潤牛麵嘅我聽到人哋咁樣講又點會唔專程嚟試一試。😂😂😂嚟到呢類型餐廳唔好要求有賣相，好食就得啦。粉麵湯底同以前一樣冇變一樣咁好食，不過個豬潤一食落口厚厚嘅好滑洗得好乾淨冇雜味，比起維記嗰個薄薄嘅豬潤真係兩個唔同風格。😋😋😋😋😋朋友真係冇介紹錯😁