The Captain's House (已結業)

今日係尖沙咀做完嘢，咁我同朋友一齊喺尖沙咀順便行街，咁見到呢間captain house自然好想食佢D海鮮，因為佢嗰啲海鮮一袋袋真令人懷念咁我哋就叫咗以下食品：Seafood Platter: 海蝦，原隻魷魚，小墨魚仔、鮑魚仔、腸仔、薯仔及粟米，咁我個醬汁就係garlic sources，鮑魚仔都幾大隻同鲜甜。小墨魚都鮮甜和海蝦幾爽口， 其他小食粟米&薯仔都幾飽肚。 呢個platter真係要試下。蟹肉卡邦尼扁意粉: 其實呢個卡邦尼意粉我覺得都幾好食，因為我鍾意佢夠曬creamy，另外就係我鍾意佢上面嘅蟹肉，撈埋一齊落個意粉度，感覺好滿足。 仲有佢都落咗幾多蟹，所以感覺上呢個卡邦尼意粉畀我印象好好，而且我覺得味道都唔錯。最後同朋友飲埋杯 Nana flow and Strawberry flow就閃人。我覺得captain house佢用嗰啲海鮮都係幾新鮮，同埋廚師煮起海鮮上嚟個手勢功架唔錯，所以如果鍾意食海鮮嘅朋友，不妨都試下。