文仔記麵食店

營業中

休息中

💫粟米餃+韮菜餃+黑豆漿 $72紅日7:00左右黎到唔使等位，豆漿應該係啱啱煲好喺度處理緊包裝，即刻叫返杯先！所以係暖笠笠！比較純同埋濃郁嘅豆漿，唔會太甜👍🏻呢到既水餃皮薄餡料多，幾岀色，坊間有啲餃子舖頭皮太厚又好少餡料。不過份量唔算好多，女仔食嘅話都係啱啱好夠飽。粟米餃有紅蘿蔔豬肉西芹粟米，粟米好鮮甜整體好有咬口，感覺幾健康嘅食材。韭菜餃幾香韭菜味。多人嘅時候需要搭枱！一坐低服務員都冇特別招呼，餐牌都冇，自己叫佢哋幾次去落單。價錢都冇咁清楚列晒出嚟。肚餓嚟食嘅話唔會太失望，但整體感受同食物唔系一定要黎。始終西貢仲有好多岀色服務好既餐廳。