影片
更多
2012-04-01
113 瀏覽
今日天朗氣清，中午提議去西貢吹下風，難得女友又無咩頭暈身㷫，好！一點半出發！一如以往，每逢周末入西貢的人就有如天上的繁星，想泊咪錶更加係難過登天‧‧‧泊好車，女友即刻上網搵野食，見到有間食意大利菜成百個笑笑口，雖然我最唔鐘意隨波逐流，但抱住引證的心態，一於行去睇睇。〈一路行去餐廳，數以千計既外傭迎面以上‧‧‧我估係剛做完彌撒掛，幾經努力終於突破重圍！！〉好，入正題！餐廳門面幾優閒，跟侍應小姐示意兩位，就安排了近門口的枱給我們，雖然室內空間不大，但勝在枱面夠大，有時真的很討厭一些餐廳的枱夠放杯水又唔夠放杯餐飲，碗碟又要大過張枱‧‧‧餐廳的Menu就印在枱紙，好多款式，女友想食ribs，於是點了半份，好彩點左半份，以下係食左一半之後的再分一半的份量：烤既味道很不錯，也有女友最喜歡的軟骨，不過可能肉既厚度不夠，烤完有點硬，我就比較喜歡juicy一點的，配菜的洋蔥圈反而有驚喜，雖然係我發現既時候所有洋蔥圈已經俾女友殲滅‧‧‧另外點了一份pork knuckles：份豬蹄烤得好靚，肉質好嫩滑，皮肉之間的膠感好黏呀！呢排都係膽固醇超標‧‧‧不過皮烤得太硬，切到手都軟。其實主菜上枱時已經淆底食唔哂，
一如以往，每逢周末入西貢的人就有如天上的繁星，想泊咪錶更加係難過登天‧‧‧泊好車，女友即刻上網搵野食，見到有間食意大利菜成百個笑笑口，雖然我最唔鐘意隨波逐流，但抱住引證的心態，一於行去睇睇。
〈一路行去餐廳，數以千計既外傭迎面以上‧‧‧我估係剛做完彌撒掛，幾經努力終於突破重圍！！〉
好，入正題！餐廳門面幾優閒，跟侍應小姐示意兩位，就安排了近門口的枱給我們，雖然室內空間不大，但勝在枱面夠大，有時真的很討厭一些餐廳的枱夠放杯水又唔夠放杯餐飲，碗碟又要大過張枱‧‧‧
餐廳的Menu就印在枱紙，好多款式，女友想食ribs，於是點了半份，好彩點左半份，以下係食左一半之後的再分一半的份量：
烤既味道很不錯，也有女友最喜歡的軟骨，不過可能肉既厚度不夠，烤完有點硬，我就比較喜歡juicy一點的，配菜的洋蔥圈反而有驚喜，雖然係我發現既時候所有洋蔥圈已經俾女友殲滅‧‧‧另外點了一份pork knuckles：
份豬蹄烤得好靚，肉質好嫩滑，皮肉之間的膠感好黏呀！呢排都係膽固醇超標‧‧‧不過皮烤得太硬，切到手都軟。其實主菜上枱時已經淆底食唔哂，結果，真係食唔哂，對唔住呀，本來好想「損」既豬腳骨，我真係無能為力了！
最後要一讚的係杯朱古力，原來一杯朱古力沙冰加入M&M朱古力味道係咁夾，佢代替了糖既甜味，令到杯朱古力提升到另一層次，香滑到呢！連飲緊熱飲既女友都搶飲左幾淡！
總括來說係次滿意既一餐，都係嗰句，無期望，少啲失望！
題外話/補充資料：
題外話，張枱放左一杯蠟筆，唔知咩用意，不過斷估唔係食掛，咁啱張Menu枱紙又成張枱咁大，玩下Draw something都幾過癮咖！
(以上食評乃用戶個人意見 , 並不代表OpenRice之觀點。)
張貼
