Pepperonis Pizza & Cafe

營業中

休息中

已經幾年冇嚟呢間意大利餐廳食飯 佢似乎轉咗老細喎 同我以前見嘅員工好似唔一樣 我哋同行三個人坐低 侍應同埋老細非常之熱情 為我哋介紹食物 我哋叫咗一個燒雞 同埋一個pizza 另外每人嗌咗一杯大啤酒 個燒雞 非常之好味 廚師話係經過風乾 24小時 然後到我哋食嘅時候再烤焗一次 所以個皮特別脆 Pizza 呢 都係一貫嘅好味 傳統意大利pizza嘅味道 啤酒就太大杯啦 我哋都飲唔哂 侍應好貼心 當黃昏天黑嘅時候 佢怕我哋凍開咗暖爐畀我哋 整體嘅服務 我真係相當滿意 唯一遺憾嘅係 以前有嘅teramisu 今次再嚟佢哋冇咗呢一樣甜品啦 所以結果我哋係冇食甜品就離開 呢個係一個小小嘅遺憾 希望佢哋將來會有返呢樣嘢啦

細個個陣住西貢 只知有呢間餐廳存在 但一直無特別想話食 直至搬離左西貢 有次朋友帶我食呢度食飯我記得 蒜茸蜆意粉 好好食 可惜太細份 應該食2碟就差唔多 之後有期 要返西貢做野 咁岩逢星期三 牛扒買一送一 就同先生去試 牛扒好重牛味 好好食 到上星期 因為家事再回西貢 又再去返呢間餐廳食dinner 今次除左Order 意粉 牛扒之後 都叫左個BBQ醬烤雞pizza 又係好食到癲左線

I placed the take away order at 18:45 while my starving kids are waiting on the car. Till 19:10, they still not call my number (my number was 14 but they were preparing food for 28). I asked the staff the status and she was telling me I still have to wait for the kitchen food. At 19:20, kitchen was sending out order but that wasn’t mine. I asked again for the status, I saw the staff secretly printed my order and gave to kitchen. I asked again and finally they told me that they missed my order an

第一次嚟，覺得間舖頭好溫馨，老闆nice, 招呼好。嗌咗個招牌10吋批、一客牛肉醬焗千層麵同一杯smoothie. 我比較貪心，smoothie 揀咗士多啤梨+芒果，mix 得好靚，酸酸甜甜好開胃！招牌10吋批係厚批，落單先整。雖然等得耐少少，都值嘅。上邊肉腸芝士好多，批底有噍頭。千層麵真係要讚下！因為自己喺屋企整過，但唔好食，而且功夫多。哩度啲肉醬同芝士超多，反而千層麵少啲。小小建議，千層麵可以多翻少少仲正。

西貢Pepperonis 既pizza對我嚟講係最好食嘅pizza 平日dinner去仲要有優惠嫁我今次係買3送1除左肉類，全個menu都可以買3送1我哋3個人食，嗌左脆炸魷魚圈小食拼盤 新奧爾良pizza(14") 芝士長通粉新奥爾良pizza係極度推薦佢cheese底係拉絲嫁上面有薯仔，雞肉，蘑菇重點係有一pat唔知係咪sour cream/cream cheese 真係超級好食！大家真係一定要試餐廳有4張枱係室外，可以帶狗狗不過唔可以坐上櫈老闆好nice 會成日出嚟傾下計

嘩！呢家餐廳真係食指大動，飯後個口福仔仲在口腔圍繞，真係要同大家掂下一掂！首先搭檔我啲炸魚薯條，外皮香脆得嚟唔油膩，薯條嘅熱辣辣同茄汁沙律醬嘅fresh感完美結合，口感上好有層次，真係得意！再講吓啲雞翼，啖啖肉之餘，炸得金黃又爽口，雖然骨頭邊小小乾，但夠晒方便抽骨，啱晒食得潔淨嘅我。嘩嘩，而家勁讚下個栗米片，搭配三款醬汁，點都好味，尤其綠色嗰款，新鮮得滯！煙肉醬同沙律呢啲老友記，都算係可圈可點。👌青口就唔使多講，蒜香撲鼻，同一啲國產戲院小食冇得比嘅，入面嘅海鮮，新鮮彈牙，好滋味添！跟住講吓夏威夷薄餅，雖然係基本款，但烤得啱啱好，芝士拉絲、鳳梨酸甜，啖啖滿足。不過要抱歉吓，杯朱古力飲品可能因為加咗啲太多冰塊，稀稀哂，嗌飲嘢時記得叫走雪啊！總體黎講，這家餐廳嘅食物質素真係穩定得嚟又有個性，齊人來個大餐，開開心心，食完仲可以去附近散散步，實在頂呱呱！👍🍴😋

早前聽聞此餐廳已轉手了，20/1/2024特登去試吓有冇改變。有部份的人是熟悉的，因此感到很親切。餐牌是膠質的，容易清潔，感覺很潔淨（不是舊舊殘殘嘅紙張）。食物種類多。第一：我們選了洋蔥湯（是日的餐湯），好好味。第二：選擇了小食併盤（2人份量），其中蝦多士和番薯條，最為好吃。第三：龍蝦汁意式雲吞（名稱可能有少少出入，沒刻意記），龍蝦汁香濃，雲吞飽滿，有口感！第四：沙冰正常整體來說食物質素高，吃飽都沒有口乾的感覺，值得推薦給大家。

今日去番食個排骨，真係諗起英國既味道，仲有驚喜比到我。有英式蝦多士，好好味。之前樓下講D份量係細左我都覺得nachos 細左。不過價錢原來平左。可以食多樣野👍 食物水準越嚟越好！

以前成日專登嚟食，但自從今次之後應該唔會再嚟。 餐牌有以前嘅食物，但係有好多都冇咗，呢個都唔緊要，我哋叫返以前最鍾意食嘅食物，青口同埋一個意粉，但係味道完全唔同晒，一啲都唔好味，同埋份量都少咗好多。 以前啲意粉係好香濃啲汁好杰身好有水準，而家係淡茂茂，啲汁好稀。 青口本身係好鮮甜嘅，但係佢哋可以整到淡茂茂份量又少好似半個的10粒都冇。 另外仲有魷魚圈有渣嘅，實在太難得咁差嘅水準都比我遇到。所有嘢食份量好似少咗三份一或一半。 實在太失望，一定唔會再嚟。

見到招呼客人嘅侍應已經冇同咗，仍未察覺。睇到個餐牌都已經唔同晒。再繼續點餐，叫返以前最喜愛嗰幾樣嘢食。首先冇咗最喜愛嘅蘑菇湯，之後再嗌青口，及其他意粉類。首先，份量比起以前少咗三份一，至於味，比以前清淡好多。重點係，價錢同以前差唔多🙄，oh my goodness!! 如果比我再揀過，我下次唔會再嚟啦，講完！

好耐之前去過，之後味道變晒，唔好食。知道佢換咗新班子，所以去試一試，居然會有驚喜，味質素回復返之前嗰啲味道。又其是係呢個燒排骨。簡直好食個以前。仲有試左佢地其他野都好好食😋！

入西貢比人既感覺都係食海鮮 海鮮同海鮮 ~今次友人特意邀請入西貢試新菜 竟然係食西餐由於都係友人先到,所以完全無睇過餐牌 佢地omakase 朱古力 - 少有地有忌廉..成杯野邪惡升級  點頂呀!!青口 -味道正正常常 無特別~豬手 - 夠干身夠脆 少咸  好味!!招牌PIZZA - 都算多料,多多芝士 !! 又係極邪惡選~~總結: 聽友人講依間都算西貢友飯堂;響西貢用到一個唔貴既價錢食到一餐西餐,都算抵食之選 

屋企人介紹先知道有呢間pizza老舖🍕店舖唔會話好大 亦都唔算寬敞十幾年前佢地拍拖嘅時候已經有食今次就帶埋我地一齊去食 回憶下～🤣首先緊係即刻嗌左個pizza先啦🍕千島海鮮pizza評分：👍🏻👍🏻👍🏻👍🏻👍🏻好足料嘅pizza 咬落去勁脆包皮勁鬆軟啲醬汁加埋一齊好夾 啲餡料都好好食雞蛋菠蘿pizza評分：👍🏻👍🏻👍🏻👍🏻👍🏻完全估唔到嘅好食 有隻流心蛋係面頭一樣都係勁足料 皮脆餡好味Ribs🐷配薯條🍟評分：👍🏻👍🏻👍🏻👍🏻👍🏻好大舊嘅ribs 下面仲有薯條呢個ribs真係啲肉好鬆嫩滑好好食個醬汁都係調得啱啱好 好正 必嗌蕃薯條評分：👍🏻👍🏻👍🏻👍🏻👍🏻即炸薯條永遠都係最好食 今次仲要係蕃薯條🍟雞肉牛油果沙律🥗評分：👍🏻👍🏻👍🏻👍🏻👍🏻牛油果好新鮮 啱啱好熟真係好好食而且啲雞肉都好嫩滑 唔‘鞋’ 配埋沙律食好夾海鮮Risotto評分：👍🏻👍🏻👍🏻👍🏻👍🏻好好食嘅risotto 每一啖都係浸左啲汁 好正海鮮都係好鮮甜好好味 like雞肉卡邦尼意粉評分：👍🏻👍🏻👍🏻👍🏻👍🏻雞肉超級嫩滑 好好食🤤意粉嘅質地都係軟硬適中Menu都好多選擇比客人選擇

多年老鋪🥰主菜買一送一🔥超吸引😍度假氣息🏖 Chill住食🥳#sdm西貢 #sdm西餐 #sdmcafe 💎 新奧爾良 New Orleans Pizza $180/ 14”必食💯💯（😋：8.5/10）👍🏻：第一次食呢隻pizza🙈餡料非常豐富，調味要做得好好，味道亦都好足夠🥳唔洗額外加任何調味料👎🏿：冇。💎 卡邦尼火腿煙肉 Carbonara Pizza $170/ 14”唔洗試❎（😋：6/10）👍🏻：而家多咗餐廳加入昨卡邦尼Pizza，就好似將個意粉🍝同Pizza🍕混合左，不過之前喺其他餐廳食過好好食，令我expectation 太高了🤣🙈👎🏿：食落冇卡邦尼味，成個pizza都偏淡，唔太好食🤥💎 香辣海鮮意粉 $148正正常常👌🏻（😋：6.8/10）👍🏻：海鮮係幾隻青口同魷魚🦑👎🏿：太少海鮮，辣味比較重，冇其他味🥲💎 蘑菇意大利飯 $148可以一試✅（😋：7/10）👍🏻：好香蘑菇味🍄意大利飯係偏淋身，唔算特別creamy，但係整體口感OK，食完都唔會好滯🤤👎🏿：份量比較少💎 秘製醬汁燒排骨 $170/半份必食💯💯（😋：8.8/10）👍🏻：好彩職員有同我哋講半份已經好大份🤣🙈佢呢度真

呢間西餐係本人都幾喜歡嘅餐廳😋 1份lunch set包 沙律或餐湯 +主菜+ 甜品 唯獨冇包飲品 (可另加錢配) 同埋有加一服務費 價錢唔算太平, 不過間唔中咁樣食嘅話都可以👍因為質素都唔錯的！頭盤可以揀餐湯或沙律我就揀咗沙律🤩每日嘅沙律都有機會唔同 係由廚師發板🤭 有時係凱撒沙律,,今次份沙律就好出色同好好食😋 水蜜桃番茄沙律再配少少芝士好開胃🔥 主菜方面揀咗肉眼扒配薯條如果揀肉眼扒套餐 要另外加十蚊 😁肉眼扒揀咗五成熟所以覺得肉質好嫩好juicy 唔會太熟太鞋 👍而薯條係有別於麥當勞嗰種 佢用嘅油 炸出黎個味道係唔同啲 😋所以密密食到停唔到😂 至於甜品方面就係我最喜歡嘅布朗尼🧡 旁邊配一球雲呢拿雪糕🔥 雖然套餐冇包飲品但係呢份甜品既價值應該會貴過飲品😂 呢份嘅套餐最後是$138加一間唔中嘆一次兩次我覺得都ok呀🥰