六福菜館

營業中

休息中

入西貢食海鮮，我既飯堂係佢。人氣米芝蓮海鮮飯店，多年來出品一直保持到，唔會走樣，唔會失望。舒適環境用餐，如果唔係話要嘆海風，真係比起海邊幾間好得多。椒鹽焗大連鮮鮑魚大大隻大連鮮鮑魚，由裡到外都好出色，椒鹽做法惹味，鮑魚不失爽彈口感。西貢地道魚湯魚湯絕對唔係例湯質素，用鮮魚熬製，加上蕃茄薯仔，鮮甜有風味。椒鹽奇脆豆腐海鮮以外既招牌菜，金黃皮薄又脆，豆腐嫩，而且不油膩，真係可以挑戰椒鹽豆腐既天花板。米湯低溫慢煮元貝好有特色地演繹元貝，米湯低溫慢煮，湯水清甜，然後迎來元貝既鹹鮮味，好有層次。鹽蒸野生海魚(烏絲斑) 野生烏絲斑並唔係大魚，鹽蒸能感受到原汁原味，肉質嫩滑，魚味佳。魚湯粉絲浸花甲呢碗花甲粉真係大量花甲，落足料，魚湯充滿鮮味，粉絲吸晒湯，咁大碗一樣清晒。椒鹽鮮魷酥化而不油膩，爽脆可口，椒鹽惹味。藥膳辣酒煮花螺花螺散發獨特既香味，微辣，會食唔停口。西貢艇仔蒸飯呢個艇仔蒸飯真係好豐富，魷魚乾、蝦乾蝦醬同臘味，呢個組合已經出晒個味道，加上用料十足，若你喜歡濃香蒸飯，呢個非試不可。