信州日本料理

營業中

休息中

西環其實都有好多高質素餐廳，尤其是堅尼地城，我係呢度嘅地頭蟲，呢一日就同家姐去咗堅尼地城海旁食日本野！餐廳員工好友善，同客人有講有笑，又給我們介紹菜式！我地點左幾款壽司，我最中意食中拖羅，軟滑無筋！壽司飯粒軟硬適中！真鯛壽司都唔錯，加咗檸檬皮，好清新，魚肉清爽！仲有鰤魚腩，魚肉肥美帶油花，帶濃郁鮮甜嘅魚味！灸燒左口魚裙邊都好香，魚油好豐富！我哋點左兩款刺，油甘魚同深海池魚，用燒汁調味，兩款都爽口新鮮！黑板有每日推介，我地點咗兩樣，第一樣係牛舌杉板燒，牛舌煮得好淋好入味，食得出杉板嘅香，仲有各種配菜好似秋葵日本番薯等等！另外配上西京麵豉醬，甜甜地用嚟點牛舌好好味！令一樣今日推介就係汁燒魷魚串，燒魷魚真係好香，魷魚非常新鮮，而且大大件，塗上醬油之後再燒，好惹味！點品有師傅自制棉花糖，比一般棉花糖冇咁甜，質感更綿密，第一次食咁特別嘅飯後甜品！