長沙滿哥

營業中

休息中

早前同朋友返咗大陸食湘菜，食完真係念念不忘，趁今日假期，約朋友去西環呢間餐廳食湘菜，好彩時間尚早，好快有位坐，我哋即刻打開餐牌，見到唔同款式真係花多眼亂。由於太肚餓嘅關係，我哋都決定嗌一啲可以送到飯嘅小菜。小炒黃牛肉呢度菜簡直咸香微甜，牛肉鮮嫩多汁，同小炒醬汁非常配合。醬汁有鹹味同埋鮮味，非常平衡，好有鑊氣嘅一道菜式。拆骨肉炒荷包蛋濃郁嘅蛋黃同鹹香嘅肉結合，令人食指大動，口感非常豐富，直頭想叫多兩碗白飯！乾煸四季豆四季豆煮到恰到好處，保留咗微辣嘅脆感，同時又有少少煙熏味同埋略帶辛辣嘅味道，非常惹味。紅糖發糕食咗咁多嘢點少得甜品，呢個甜品為呢度飯畫上香甜而蓬鬆嘅句號。食落既口感好好，唔會太甜既感覺。總結呢間餐廳非常值得推介。