胖胖串

營業中

休息中

上次經過排晒隊，今次終於有機會試吓同朋友叫咗幾樣嘢食同埋開咗支白酒，呢隻白酒比較甜易入口 價錢都OK唔算貴二百幾蚊我哋試咗佢嘅沙嗲串，芝士年糕，雞軟骨，韭菜，雞翼，燒西多士麵包，羊肉串。沙嗲串味道 唔會太濃，食到肉嘅味道，佢哋會配埋個沙嗲花生醬，店員都好細心上菜前都會同你講聲個醬有花生喺入邊韭菜份量都幾大串好抵食，雞軟骨燒得夠香，食完仲想食多幾串我見羊肉串差唔多每台都有叫，我諗應該係必食，試咗真係唔錯唔會太重膻味最後個西多士麵包串有驚喜，奶香味好夠鍾意食甜食嘅一定要叫。