胖胖串

營業中

休息中

食材新鮮，調味很好，店員有禮！樓面得一位，仲要成日入去廚房幫手，好似唔係好夠人手，不過係小店，所以都明白。OpenRice訂位有九折，即係免加一。開到凌晨2:30，會多啲落嚟食宵夜！如果食物種類多啲仲好！當晚10點幾到，部分嘢都賣晒。值得一讚嘅係個蒜蓉燒茄子燒得好好，出去食好多時候都燶晒，我連個茄子皮都可以食埋！牛舌好Juicy，燒蠔好大隻，夠新鮮！有個魚肉豆腐，諗住好普通，點知原來咁好食！！不過白鱔燒到有少少甩皮甩骨。當晚食完返去同屋企人講呢間新開嘅串燒店，佢哋凌晨1:30都落咗去試食，話好正！！

上次經過排晒隊，今次終於有機會試吓同朋友叫咗幾樣嘢食同埋開咗支白酒，呢隻白酒比較甜易入口 價錢都OK唔算貴二百幾蚊我哋試咗佢嘅沙嗲串，芝士年糕，雞軟骨，韭菜，雞翼，燒西多士麵包，羊肉串。沙嗲串味道 唔會太濃，食到肉嘅味道，佢哋會配埋個沙嗲花生醬，店員都好細心上菜前都會同你講聲個醬有花生喺入邊韭菜份量都幾大串好抵食，雞軟骨燒得夠香，食完仲想食多幾串我見羊肉串差唔多每台都有叫，我諗應該係必食，試咗真係唔錯唔會太重膻味最後個西多士麵包串有驚喜，奶香味好夠鍾意食甜食嘅一定要叫。

想食串燒，見OpenRice 有得訂座又有9折，揀咗呢間。坐低見個環境幾光猛，坐得舒服。手機落單，另有紙本Menu，方便閱讀。食物方面，調味剛剛好，唔太鹹。店員亦會先詢問客人辣度要求。全部串燒都睇得出係好用心燒。牛肉豬肉都好好味。紅柳枝羊肉串好有羊味。沙嗲尤其出色。茄子好多肉。海鮮係每日新鮮來貨，所以叫咗啲嚟試吓。魷魚好好味(唔記得咗影相）。扇貝都OK。最後叫咗個本人至愛的芝士年糕，係我鍾意嗰種濃濃嘅芝士而且唔甜，正！整體嚟講，食物質素好！服務好！會再返嚟！

成日都想食串燒，不過堅尼地城啲串燒通常行日式居酒屋風格，價錢就比較貴，想食平啲可以揀呢間。串燒燒得幾好味，雞軟骨雞腎正特別係海鮮，食咗生蠔，扇貝同埋蟶子，食得出係新鮮嘅，唔會燒到太老啱啱好。同埋啲嘢食唔使等好耐。佢啲調味幾好，好香蒜蓉味又唔會太鹹。驚唔飽肚嗌咗個芝士撈丁，點知好有驚喜，我哋係爭住食，食完仲想嗌多碗，好味最重要係啲啤酒夠凍服務態度亦都好好，之後應該會成日嚟食，不過啲音樂開得太大聲，細聲返少少會好啲

咁啱肚餓，想搵燒嘢食，揸車經過見到小店一間求其點咗啲雞皮，翠玉瓜，羊肉串，雞軟骨同芝士撈丁全部都好驚喜特別係個芝士撈丁同翠玉瓜呢度串燒食落去好Juicy，好食過出邊好多！個芝士撈丁都好驚喜個面整得好正，芝士香

嗌咗個芝士撈丁，雞皮，雞軟骨，翠玉瓜，羊肉串，全部都好好食。我男朋友唔食翠玉瓜都話好食，超級Juicy。食完都唔記得咗影相，下次一定會再嚟影相俾大家睇！真係好random行入嚟 好驚喜好開心！

今日經過西環，見到呢間新開不久的串串燒店，見價錢唔貴入去試吓，食物果然有驚喜！ 我哋一家三口叫咗串燒豬、牛、羊、雞皮、雞軟骨等，仲有大大件嘅燒茄子好有口感、還有土豆片、多春魚等，而蒜蓉生蠔同蟶子都新鮮好味。阿仔話想試芝士撈丁，我哋雖然已經食到好飽，最後都話要試埋佢，濃郁嘅芝士係有D邪惡，但很快已被我哋三個人食清了，大滿足😅原來小廚師好有心機，每件串燒控制時間同味道都有水準，呢間小店值得推介，尤其鐘意食串燒及宵夜人仕。

今次第二次嚟食，真係忍唔住要比個好評。雖然只係第二次嚟，但店員已經記得我嘅口味，加多啲辣粉同鹽俾我，真係好細心。今次一個人過嚟食，但係都忍唔住越叫越多。茄子好大條，肉都可以燒到好入味。冬菇勁juicy，雞腎都燒得唔會太乾好食。蒜蓉生蠔好大隻$32一隻嚟講好抵食。如果叫六隻可以平少少，不過我一個人食唔完。沙嗲串配上花生醬十分香口。五花腩，燒得啱啱好。配搭串燒粉好食。一口和牛好大串燒得唔會太乾一咬落去好多肉汁。

屋企樓下新開張，雖然小店經營但有驚喜，最緊要係收得夜，當日係夜晚十一點幾，舖頭收兩點兩個人食左三百幾蚊，款式都多選擇，個人最鍾意食係五花腩同雞皮,聖子好新鮮，男朋友就鐘意串燒豬，野食叫咗小辣，平時都叫食得辣，但越食越辣越食越滋味，但蒜蓉金菇略嫌少油，已同老闆反映，老闆話可以再改善除咗串燒佢仲有麵食，因為太夜唔想食咁飽，所以冇試到，下次可以試吓整體嘢食好食而且送啤酒一流,但老闆話要過一排先有啤酒，會再幫襯,支持有心小店

見到屋企附近新開串燒店，經OpenRice訂枱有九折，即刻約埋班fd試一試，入到去環境舒服，款式都尚算多。一行四人叫咗燒生蠔，燒韭菜，燒粟米，燒五花腩，燒翠玉瓜，燒茄子，燒雞軟骨，燒豆腐，燒牛肋肉，燒招牌沙嗲串，燒聖子，燒扇貝…………..樣樣都好食好有驚喜，個人推介燒翠玉瓜同埋燒五花腩，好juice，我地仲係咁追加😆 整體十分滿意。👍🏻以後同班fd有多個聚腳地方，而且仲要無限時，小店咁高質素，一定會多多支持。

之前試過叫依間串燒店嘅外賣覺得幾好食，所以今次收工就去堂食試吓。我哋叫咗羊肉串扇貝，雞腎同生蠔。羊肉串雞腎同生蠔叫夠半打有優惠，都幾抵食，海鮮味道真係冇得輸，夠大隻又唔會有腥味，食得出係新鮮嘅海鮮。真係冇得輸。羊肉串$108有六串好抵食串燒即叫即燒但上菜速度唔算好慢。雞腎口感爽口。餐廳係用QR code落單 入面有相可以睇到十分清晰，值得一讚。本身只係諗住叫幾串食吓，點知忍唔住越食越多。餐廳服務環境都唔錯，值得嚟多幾次！

星期一夜晚11點係附近睇完戲，附近好多餐廳都關咗門。行過見到有間串燒店即刻同朋友去試吓，餐廳環境乾淨整齊。我最鍾意食燒士豆片同燒五花腩。燒得香脆又唔會太乾，另外都食咗燒蒜蓉扇貝同蒜蓉蟶子，食落好甜，好新鮮。唯一美中不足嘅係餐廳未有啤酒賣，問咗職員佢話要大約1月頭先有酒牌，不過職員都好好，話比我地知附近邊度有酒賣比我哋自己買去飲。原來餐廳營業到凌晨兩點，我哋都坐咗到1點幾先走。好適合同朋友食飯傾計。