Casamigos

營業中

休息中

今次嚟到位於銅鑼灣嘅《Casamigos》，一間西班牙菜酒吧餐廳，環境舒適又有格調，設有室外座位，而每一道菜都充滿驚喜和創意，朋友聚餐好選擇🍴北海道帶子刺身 帶子刺身入口超鮮甜，肉質細嫩滑溜，加埋魚子醬和三文魚籽，口感層次豐富，再配上日式麻油柚子醋，酸甜中帶點柑橘清香，令帶子鮮味更突出🍴鯷魚橄欖脆包鯷魚嘅鹹香和橄欖嘅微酸融合得自然，配上脆包層層香脆感，口感非常豐富🍴薑味橙香橡果西班牙黑毛豬鞍架肉質超嫩滑，油脂分佈均勻，有榛子和橡果嘅獨特香氣，配上自家調配薑味橙醬汁，微辣帶橙香清新，令豬肉味道更有層次，配菜用上羽衣甘藍和薯蓉等，可平衡油膩感🍴蟹肉香濃蝦汁手工戒指意粉蟹肉濃郁又鮮甜，蝦汁香味黏住每條意粉，滑溜又掛汁，配上黑色魚子醬，爆汁鹹鮮，令味道層次更豐富，幸福感滿滿🍸Pandora Box入口先有Gin和Campari嘅微苦，再嚐到橙和黑加侖子嘅果香，紅酒味帶點成熟感，蛋白令口感順滑細膩，整體味道層次豐富，飲落清新有驚喜🍸Casa Yuzu Paloma入口先有tequila嘅微辣，柚子和西柚帶出清新果香，蜜糖令味道更柔和，加埋Soda嘅氣泡感，飲落酸甜清爽，夏天必點