影片
更多
2025-04-24
0 瀏覽
今個星期不斷OT，終於可以輕鬆吓，就去咗佐敦一間西班牙菜，順便飲杯嘢…話就話係西班牙菜，其實HARA係有Crossover日本菜嘅元素。呢度嘅環境佈置相當有品味，好多大幅油畫配上花朵，形成望落相當舒服嘅景致。Lychee Kaoliang Cooler HH $58呢度嘅happy hour係八點前order，所以可以以$58遇到呢杯相當吸睛嘅cocktail，佢最吸睛嘅地方係上枱前會先用火燒一燒個酒壺。飲落去相當重嘅荔枝味，其餘酒精味都幾高，因為佢係用上伏特加同江小白混合而成。北海道帶子沙律 $128相當有日本味道嘅菜式。帶子本來同魚子就好夾，因為魚子嘅鹹香可以啱啱好蓋喺帶子上面，加上上面有好多清新嘅青瓜粒，呢個前菜真係好開胃。香辣烤八爪魚 $108就咁睇，其實唔知佢嘅味道係點。佢嘅香辣味係偏向地中海嘅味道，所以調味相當充足，加上有啲薯仔同肉類(?)，同樣地係好開胃嘅一道菜。香煎鴨乾拌柑橘醬 $108呢個就冇乜好講，香煎鴨肝係有一定嘅厚度，配埋酸酸地嘅柑橘醬，好標準嘅法式菜。明太子蟹肉西班牙蛋餅 $118個人嚟講，我係相當鍾意蛋餅。呢一個蛋餅嘅質素係有日式成份。鋪喺頂，有少少辣嘅明太
話就話係西班牙菜，其實HARA係有Crossover日本菜嘅元素。呢度嘅環境佈置相當有品味，好多大幅油畫配上花朵，形成望落相當舒服嘅景致。
Lychee Kaoliang Cooler HH $58
呢度嘅happy hour係八點前order，所以可以以$58遇到呢杯相當吸睛嘅cocktail，佢最吸睛嘅地方係上枱前會先用火燒一燒個酒壺。飲落去相當重嘅荔枝味，其餘酒精味都幾高，因為佢係用上伏特加同江小白混合而成。
北海道帶子沙律 $128
相當有日本味道嘅菜式。帶子本來同魚子就好夾，因為魚子嘅鹹香可以啱啱好蓋喺帶子上面，加上上面有好多清新嘅青瓜粒，呢個前菜真係好開胃。
香辣烤八爪魚 $108
就咁睇，其實唔知佢嘅味道係點。佢嘅香辣味係偏向地中海嘅味道，所以調味相當充足，加上有啲薯仔同肉類(?)，同樣地係好開胃嘅一道菜。
香煎鴨乾拌柑橘醬 $108
呢個就冇乜好講，香煎鴨肝係有一定嘅厚度，配埋酸酸地嘅柑橘醬，好標準嘅法式菜。
明太子蟹肉西班牙蛋餅 $118
個人嚟講，我係相當鍾意蛋餅。呢一個蛋餅嘅質素係有日式成份。鋪喺頂，有少少辣嘅明太子同沙律，明顯係用嚟幫下面嘅蛋餅調味。蛋餅之中亦都有薯仔同煙肉，相當好食又夠熱嘅一道菜。
西班牙海鮮飯 $298
當然講好味，就唔少得西班牙海鮮飯。同同類型嘅西班牙海鮮飯相比，佢嘅調味會再豐富啲，好明顯啲飯係沾上更多嘅醬汁，飯亦都故意做得淋身一啲，盡量吸晒醬汁、三色椒同洋蔥嘅味道。其實個飯加埋煙肉粒已經好香口，加上海鮮嘅點綴，呢個飯真係好好食。
呢度環境昏暗浪漫，擺設如同花海，菜式又西班牙又日式，加上有happy hour時段，真係好適合想relax下又對食物要求高嘅人。
張貼
