綠茶餐廳 (圍方)

營業中

休息中

國內知名嘅浙江菜綠茶喺香港開左 好多唔同主題嘅分店，今次去大圍依間係西湖盛宴主題😍裝修好靚，首創船宴同湖上用餐嘅概念，勁多打卡位！一坐低侍應奉上嘅茶係出產於西湖區嘅九曲紅梅，飲落好舒服，生津解渴仲暖心養胃，感覺真係好似去咗西湖咁🥰龍井烤雞 $138依個係必點大熱菜式，所以我哋都叫咗嚟試下，未上枱已經聞到陣陣茶香，店員比我哋影完相打卡後就會幫手切開，一咬落去，雞皮脆卜卜，三黃雞肉質嫩滑，仲滲住淡淡龍井香，食到舔舔脷😋！粉絲裹蝦 $108原煲連埋Gas爐一齊上，店員仲會幫手撈勻，粉絲吸滿蝦嘅鮮味同醬汁精華，蝦肉份量多，新鮮爽口，送飯一流！ 狀元芋頭煲 $88簡直又邪惡又幸福！芋頭軟綿綿，入口即化，醬汁濃郁香甜，配埋五花肉，鹹甜交織，唔怪得叫狀元！ 西湖雷峰塔 $28/位造型靚到唔捨得食😍！用鮮山藥，牛奶做成嘅雷峰塔嘅外觀，加上青豆泥綠色好靚嘅醬汁，好似一幅畫咁，甜而不膩，完美為成餐飯劃上句號！ 下次去埋其他分店試下唔同嘅主題先！評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺綠茶餐廳大圍車公廟路18號圍方3樓321A號舖📍港鐵大圍站B出口5分鐘路程#h