璞

營業中

休息中

今次去咗西九文化區一間新派中菜館，試咗佢哋嘅創意點心同小菜。我哋叫咗啲燒味同點心。首先蜜餞西班牙黑豚肉叉燒，蜜汁香甜，肉質鬆化，有烤爐烘住。1/4化皮金陵乳豬，皮夠香脆，配埋薄餅同醬料，食落唔會太膩。 點心方面。瑪瑙蝦餃外皮晶瑩剔透，蝦肉爽口，賣相精緻。魚子醬燒賣面頭鋪滿魚子醬，鹹香鮮味。 陳皮香茜牛肉球，牛肉打得夠滑，加入香茜更添清新。龍蝦湯小籠包夠哂特別。松茸菊花豆腐羹刀工了得，豆腐切到菊花咁精細，帶松茸香氣，湯底清而不淡。 茶芥$38/位。餐廳環境舒適，地方大。如果想試吓新派中菜，呢度嘅創意點心同中菜，可以體驗香港嘅飲食文化。