天澗居酒屋 (已結業)

元朗有間好舒服既日本料理--天澗居酒屋🏮係地鋪，門面係好經典既日本餐廳風格；靚靚門面加上而家餐廳做緊$1加配壽喜鍋優惠🥰🥰，即刻吸引左我入去。火炙壽司6點吞拿魚5點(優惠價)我坐bar枱，全程睇住廚師製作壽司🍣，視覺欣賞下覺得壽司好吸引🤩同好新鮮。好多款式總有幾件最岩食！吞拿魚刺身夠凍同埋質素好高。A4鐵板和牛粒：上菜「咋咋聲」，和牛粒好軟身，醬汁濃郁惹味。迷你石鍋鵝肝飯：食到最後都仲熱，迷你石鍋真係正！點鵝肝既醬汁好濃味，鵝肝入口即溶。美國牛五花壽喜燒［消費$80後以$1加配］配埋讚岐鳥冬追加美國豚肩肉（100G）兩款肉都試，兩款肉色澤淺紅色都好新鮮。肉質都幾彈牙。個人偏愛牛五花更重肉味。