一間幾有日本風嘅居酒屋，裝修簡單但幾有feel，坐得都幾舒服，有吧枱、卡位同埋房間，適合一班朋友傾偈食飯。 晚市有幾多優惠，價錢算合理，可以試到唔同款式嘅嘢食。 吞拿魚五點拼盤（$78）有齊大拖羅、中拖羅、赤身、炙燒同拖羅蓉軍艦，$78呢個價錢算抵食。大拖羅油脂夠，入口即化；中拖羅同赤身都新鮮，魚味濃。 火炙壽司六點（$78）廚師即日揀料，炙燒過嘅壽司帶少少焦香，魚生仍然嫩滑，特別係鰈魚群邊，油香重，配醋飯幾夾。 A4鐵板和牛粒（$68）牛肉粒煎得香，外脆內軟，咬落有肉汁，醬汁甜甜哋，連埋洋蔥食幾開胃。 迷你石鍋鵝肝飯（$58）鵝肝煎得外脆內嫩，撈埋熱辣辣嘅飯同飯焦，口感豐富，味道濃郁但唔會太膩。 美國牛五花壽喜燒（$1）晚市消費滿$80就可以加$1叫呢個壽喜燒，有菜、豆腐同牛五花，湯底甜鹹適中。追加豚肩肉（$88）同烏冬（$18）更加飽足。 飲品推薦（$38）白桃同巨蜂梳打幾清爽，甜度適中，解膩一流。 食物質素唔錯，價錢合理，兩個人食到飽都唔使$500，算係元朗區幾抵食嘅日式居酒屋，可以再encore！…查看更多
