The Wall Street Bar & Lounge

營業中

休息中

放工同朋友吹吓水，搵咗間樓上酒吧，一路聽住音樂，一路飲野食野幾舒服。一入餐廳門口已經見到wall street 象徵標誌，入面放咗書架做裝飾，配合餐廳主題，落足心思。炸薯條配黑松露蛋黃醬粗身薯條炸得非常香脆，上面有黑松露粒，增添香氣，蛋黃醬口感柔軟細膩潤滑。傳統意式卡邦尼意粉每一啖意粉可以享受到煎香煙肉粒既鹹香味，同埋充滿蛋香味嘅醬汁，味道非常配合。燒加拿大有骨豬架配沙律及薯仔有骨豬架肉質鬆軟，口感嫩滑，咬落去仲食到肉汁，豬架加左燒汁做調味，高質之作。法式蘋果批配雪糕即叫即焗，食落去有滿滿既香甜蘋果粒，配埋香滑既雲呢拿雪糕，好適合做飯後甜品。Lost Star主要用咗熱情果做主打，加埋橙汁、青檸汁、elderflower tonic，酸酸甜甜，非常清新。