影片
更多
2023-04-26
43 瀏覽
見到呢間火鍋店近排幾受歡迎，同邊爐控兼鍾意食台灣菜嘅朋友過嚟試試。喺熙來攘往嘅彌敦道大街旁邊，棟咗好多餐單易拉架，又有個姨姨喺度落力派傳單，原來已經到咗入口。火鍋店喺地庫，沿樓梯行落去有具台灣特色嘅壁畫。餐廳內部座椅好colorful、有幾塊許願牆，掛燈同吊燈燈罩係七彩玻璃，有民族色彩，場內非常光猛！任食火鍋套餐分Level 1至4，四個level，正價價錢分別係$238、$288、$358、$468，優惠價各減$30 ，揀咗level3套餐，可食到多幾款靚牛肉、豬肉、羊肉，海鮮任食，其他40幾款配料任食！肉類同熟食小食，大部份QR code點單，其他菜類、丸類、飲品、雪糕自助！自助區食物擺得幾整齊、乾乾淨淨！✔️沙茶豬筒骨鍋湯底有9款，見到臭臭鍋、薑母鴨鍋，都幾台灣風味，但係見到沙茶豬筒骨鍋係舖頭推介，就試試佢！入面有幾件勁大嘅豬骨、配料都唔少：娃娃菜、蜂巢豆腐、豆卜、粟米、香菜，沙茶底微辣，刺激食慾！我同朋友都覺得呢個湯底唔錯！✔️肉類level3有幾款升級肉類：美國牛小排、西班牙伊比利亞黑毛豬、紐西蘭羊肩肉，當然呢幾款肉都有試，仲試埋牛板腱、牛肩胛、豚腩片，肉類厚薄切得適中，牛小排、
餐廳內部座椅好colorful、有幾塊許願牆，掛燈同吊燈燈罩係七彩玻璃，有民族色彩，場內非常光猛！
任食火鍋套餐分Level 1至4，四個level，正價價錢分別係$238、$288、$358、$468，優惠價各減$30 ，揀咗level3套餐，可食到多幾款靚牛肉、豬肉、羊肉，海鮮任食，其他40幾款配料任食！肉類同熟食小食，大部份QR code點單，其他菜類、丸類、飲品、雪糕自助！自助區食物擺得幾整齊、乾乾淨淨！
✔️沙茶豬筒骨鍋湯底有9款，見到臭臭鍋、薑母鴨鍋，都幾台灣風味，但係見到沙茶豬筒骨鍋係舖頭推介，就試試佢！入面有幾件勁大嘅豬骨、配料都唔少：娃娃菜、蜂巢豆腐、豆卜、粟米、香菜，沙茶底微辣，刺激食慾！我同朋友都覺得呢個湯底唔錯！
✔️肉類level3有幾款升級肉類：美國牛小排、西班牙伊比利亞黑毛豬、紐西蘭羊肩肉，當然呢幾款肉都有試，仲試埋牛板腱、牛肩胛、豚腩片，肉類厚薄切得適中，牛小排、牛板腱雪花紋理都幾靚，索晒湯汁，食完一片又一片！
✔️海鮮
朋友乜都點d：虎蝦、手工蟹籽鮮蝦滑、小花枝、蜆、廣島蠔、元貝，虎蝦新鮮大隻，唔似係雪藏貨，元貝同廣島蠔都大大隻幾有份量！蜆都好新鮮，洗得好乾淨，完全無沙！蝦滑係手打嘅相對彈牙d。
✔️小食
小食係最有台灣風味，甜不辣、芋泥球、地瓜條、蝦卷、榴槤炸彈，全部外皮呈金黃色，朋友仲點埋黑松露沙律醬、BB辣醬子沙律醬，點埋一齊食美味程度升級！榴槤炸彈超級好味，入面係新鮮榴槤肉，外皮又脆又煙韌，上枱嘅時候仲要係啱啱炸起！忍唔住要encore！
✔️飲品
雖然宣傳單張顯示飲品係15種，但係就咁睇雪櫃飲品種類遠遠超過15種，除咗平時可以飲到嘅一般種類，有啲飲品真係好台灣風味，薑母茶、唔同口味嘅珍珠奶茶、仙草爽等，仲可以加錢升級飲多種台灣啤酒！特別試咗珍珠奶茶，奶味幾重，係台灣口味！
✔️雪糕
有幾款雀巢大路嘅雪糕筒、紅豆批、朱古力脆皮批，最開心可以任食Movenpick雪糕！正！
10% service charge
張貼
