天外天

老公一向好鍾意hotel icon，無論係the market定green，佢都好捧場。適逢晚市重開，決定同老公去試下hotel icon既天外天。我地預早卜左近窗口既位置，當日準時去到，侍應姐姐好求其咁安排左我地座第一張近窗口既枱，眼見入面好多近窗口既吉枱，有諗過轉枱，不過算啦都係食個幾鐘既飯，所以無出聲調枱。之後我就後悔😂😂😂，原來都幾disturb，因為近酒吧位置，所以聽到待應們既交談同上菜既聲音😑😑😑。我地叫左海鮮套餐，有魚有龍蝦有鮑魚，看似相當豐富，但當食物上枱後...er...幻想總是比較美好。食物都幾咸，個杏汁花膠湯令我覺得自己食緊味精落肚，啲花膠一食就知級數好低既貨；黑松露蟹蓋好唔夾，完全食唔到蟹既鮮味；最好食嘅係上湯龍蝦，食得出好新鮮，好彈牙，肉質好實淨，可惜真係咸左啲，另外，前菜既鱈魚都好食，上面既蜜薑同鱈魚好夾，其他食物都一般般。老實說一千蚊一位食呢個餐，勝價比好低，食物份量唔係好多，女士們應該剛剛好，但男士們真係唔係好夠😅😅😅，而且食物真係有啲咸，食完呢餐後，我隻腳腫左😰😰😰（我食完味精既反應）。整個用餐體驗都不是太好，我諗無咩必要都唔會再黎呢間中菜去食飯。